মনিপুরদা হৌজিক থোক্লিবা হীঙশাগী ঈরাং অসী লোইশিন্ননবগী মতাঙদা মীয়ামগী ওইবা অপূনবা মীফম অমা লাক্লিবা মে অহুমদা ইম্ফালগী খুমন লম্পাক্তা পাঙথোক্লগনি। মসীদা কূপ্না খন্ন- নৈনরবা মতূঙদা অমত্তা ওইনা মীয়াম্না য়ানরবা ৱারেপ খরা লৌদুনা থবক্তা ওন্থোক্ননবা থৌরাং তৌবা লোইরে। মীফম অসীদা খন্ন- নৈনগদৌরিবা অসীদা লমদম অসীগী ঈচীল- ঈনাও ঈমা- ঈচে, ঈচলশিং, মহৈরোয়শিং অমদি সি এস ওশিংগী মেম্বরশিংনা মতম চানা লাকপিদুনা মপূঙ ফাহনবিয়ু হায়না মীয়ামদা কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) গী কনভিনর খূরায়জম অথৌবনা পাউজেল্লক্লি।
হীরম অসীগা মরী লৈননা ইম্ফাল গী লম্ফেলদা লৈবা কোকোমিগী লোয়শঙদা পাঙথোকখিবা পাউমীশিংগা উনবগী থৌরমদা অথৌবনা হায়, ইন্দিয়া লৈঙাক্না মনিপুরিশিং অসিবু সব-ক্লাসকি সিটিজন অমগুম উরি। হৌখিবা কুমশিং ২০২৩ গী মে অহুমদা চিন-কুকি ফূরূপ্না মনিপুরদা চত্থরক্লিবা হীঙশা অসী লাক্লিবা মে অহুমদা চপচানা চহী অনী মপূঙ ফারে। ঈরাঙ অসীনা ঐখোয়গী য়েলহৌমীশিংগী থম্মোয়দা তাশোন্না থিনবগুম খোয়রাঙ-খোয়শাওনবা, পেন্দবা, নুঙাইতবা কয়া মায়োক্নহন্দুনা লাক্লি।
ইন্দিয়া লৈঙাক্না পূম্নমক অসীগী ৱারোয়শিন পুরক্ননবা থবক অমত্তা ঙসীফাওবা লৌখৎলকপা লৈত্রি। ফীভমশিং অসী য়েংলগা ঐখোয়না মখা তারকপদা করি-করম্বা খোঙথাঙ লৌখৎলগা তুং কোইবা শান্তি পুরক্কদগে হায়বগী মতাঙদা খন্নগদবা মীয়ামগী মীফম্নি হায়খি। মরী লৈনবা পূম্নমক্না মীফম অসীদা তঙায়ফদবনি খন্না শরুক য়াবিয়ু হায়না মহাকনা পাউমীশিংগা উনখিবা অদূদা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে