মনিপুরদা দেঙ্গী লাইচৎকি কেস মশীং খংহেন হেঙ্গৎলক্তুনা অকিবা থাক অমদা চঙশীল্লকপা থেংনরি। হৌখিবা পূঙ ২৪ খক্তদা লাইচৎ অসীগী পোজিটীব কেস মশীং ১৯৪১ য়ৌখ্রে।মমাঙগী চহী ২০২৪ দা অপূনবা দেঙ্গী লাইচৎকি কেস মশীং ২৪০০ ওইখিবা অদু য়েংলুরবদি চৎলিবা চহী অসিদনা মমাঙগীদগী য়াম্না হেঙ্গৎলক্তুনা রেকোর্দ থম্লবা য়ারি, মমাঙ চহীগী রেকোর্দ অদূ য়াম্না লায়না থুগাইরক্লগনি হায়বগী থাজবা লৈরি।
ষ্টেট লৈঙাক্কি হেল্থ সার্বিসেস দিরেক্তরেটতগী পীরকপা রিপোর্ট মতূঙ ইন্না, মনিপুরদা হৌখিবা পূঙ ৩৬ অসীদা মীওই ৫০ দেঙ্গী পোজিটীব ওইবা থেংনরে। ইম্ফাল ৱেষ্ট তা লাইচৎ অসীনা খ্বায়দগী মশীং য়াম্না শোকহল্লবা দিষ্ট্রিক্ট হায়বদু ওইরি। হৌখিবা পূঙ ৩৬ কি রেকোর্দ য়েংবদা দিষ্ট্রিক্ট অসীদা মীওই ৩৬ দেঙ্গী পোজিটীব ওইবা থেংনরে। চহী অসীগী ওইনা হৌজিক ফাওবদা দিষ্ট্রিক্ট অসীদা পূন্না মীওই ১৪১৬ পোজিটীব ওইবা থেংনরি।
ইম্ফাল ইষ্ট দিষ্ট্রিক্টতা হৌখিবা পূঙ ৩৬ অসিদা মীওই ৮ পোজিটীব ওইবা থেংনরে। চহী অসীগী ওইনা হৌজিক ফাওবদা দিষ্ট্রিক্ট অসীদা পূন্না মীওই ২৮৪ পোজিটীব ওইবা থেংনরি। তেংনৌপলদা মীওই ৩, ঊখ্রূল দিষ্ট্রিক্ট তা মীওই অমা, বিষ্ণুপুর দিষ্ট্রিক্ট তা মীওই অমা হৌখিবা পূঙ ৩৬ অসিদা পোজিটীব ওইরকপা থেংনখি।অয়ূক-নুংথিলগী মতমদা মীয়াম্না কাঙ চীকহন্দনবা হোৎনবিয়ু হায়না হেল্থ দিপার্টমেন্টকি মায়কৈদগী মীয়ামদা আপিল তৌরক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা