বংলাদেশকি ইন্টরিম চিফ মোহম্মদ য়ুনুসনা ইন্দিয়াগী অৱাং নোংপোক্কি লমদম পূম্নমক,মনিপুর য়াওনা,বংলাদেশকি শরূক্নি হায়না ক্লেম তৌরক্লে।মহাক্না মসীগী মতাঙদা শেম্লবা মেপ অমা পাকিষ্টানগী আর্মী চিফ মোহম্মদ সাহির সমসাদ মির্জাগী মফমদা খূদোল তমখ্রে। খূদোল তমখিবগী শক্তম অদূ তোঙান তোঙানবা সোসিয়েল মেদিয়াগী প্লেটফোর্মশিংদা থাদোরকখ্রে।
মসীনা মরম ওইরগা ইন্দিয়াগী অৱাং নোংপোক্কি মীওই কয়ানা অশাওবা ফোঙদোক্তুনা য়ানীংদবা ঊৎখ্রে।বংলাদেশকি লিবরেসন ৱার মতূঙদগী পাকিষ্টান অমসুং বংলাদেস লৈবাক অনীগী মরক্তা মতম শাংনা য়েংথীনদুনা লাকখ্রবা মতূঙদা অফবা মরী অমা লৈবাক অনীগী মরক্তা শাগৎনবা পান্দমদা পাকিষ্টানগী জোইন্ট চিফস ওফ ষ্টাফ কম্মিটিগী চ্যেরপর্সন ওইরিবা সাহির সমসাদ মির্জা অসী ধাকাদা লাকখিবনি।
“আর্ট ওফ ট্রিয়ম্প” হায়না মিংথোল্লবা লাইরিক অমগী মথকথংবা চেখূমদা মনিপুর য়াওনা অৱাং নোংপোক্কি লমদম পূম্নমক বংলাদেশকি শরূক্নি হায়না য়েকপা থেংনখি।মদূগী মেপ অদূ য়ুনুসনা পাকিষ্টানগী আর্মী জেনরেল মির্জাদা খূদোল ওইনা তমখিবনি।কুমশিং ২০২৪ গী আগষ্ট থাদা শৈখ হসীনানা লুচিংবা বংলাদেশকি অৱামি লিগকি লৈঙাক ঈন্থূখ্রবা মতূঙদা মোহম্মদ য়ুনুসনা ইন্টরিম লিদর ওইনা লৈঙাক অসী পায়রগা ঙসীফাওবা লাক্লিবনি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে