মনিপুরগী ইচে-ইচল, ঈমা ঈবেলশিংনা য়েলহৌঙৈ মতমদগী লমদম অসীগী শেন্মিৎলোন চাওখৎহন্ননবা হোৎনবদা লৌরক্লিবা থৌদাংশিং মালেমগী অতৈ নূপীশিংনা তমজনিঙায়নি। শেন্মিৎলোনগী ৱাফমখক্তা নত্তনা লমদম অসীগী থবক-থৌরম পূম্নমক্তা মাঙজীল থানা থবক তৌদুনা লাক্লি।মপূরোইবা লৈখিদ্রবী নৌরিবি লুখ্রাবি কয়ানা অৱা-কোঙ্গায় খাঙদুনা মচাশিংবু মী অমমম ওইহন্ননবা লৌরিবা থৌদাংশিং শীঙথাদুনা লোইবা নাইররোই।
ঐখোয়গী নূপীশিং অসীগী ফীভম ফগৎহন্নবগীদমক হন্দক্কি বদজেট অসিদা নূপী লাখ ৩.৫ রোমদা কান্নবা পীনবা লূপা ক্রোর ৩৫০ গী শেনফম হাপ্লগনি হায়না চিফ মিনিষ্টর য়ূম্নাম খেমচান্দনা ফোঙদোকখ্রে। ঙরাং ইম্ফাল ইষ্ট দিষ্ট্রিক্ট কি কোনুং মমাঙদা লৈরিবা সিটি কনভেন্সন সেন্তরদা ষ্টেট লৈঙাক্কি সোসিয়ল ৱেলফ্যের দিপার্টমেন্ট না শীন্দুনা পাঙথোকপা মালেমগী নূপীগী নুমিৎ থৌরমদা অথোয়বা মীথূঙলেন ওইনা ৱা ঙাঙবদা চিফ মিনিষ্টরনা ৱাফম অসি ফোঙদোকখিবনি।
পাঙথোকখিবা থৌরমদুদা মহাক্না হায়, ষ্টেট অসীদা হৌজিক মীয়াম মরক্তা কাঙলূপ অমগা অতোপ্পা কাঙলূপ অমগগি মরক্তা লৈরিবা থাজনদবগী মতৌ অসী মহৌশাগী ফীভমদা হঞ্জিলহল্লক্তুনা অমগা অমগা থম্মোয়গী ওইবা নুংশিনবগী মরী অদূ অথূবা মতমদা শেমগৎনবা লৈঙাক্কী মায়কৈদগী অকনবা থবক পায়খৎলি।লমদম অসীগী মফম খূদীঙদা মীয়াম্না অকীবা, চিংনবা অমত্তা লৈতনা, য়াম্না অথুবা মতমদা চত্থোক-চৎশীন তৌবা য়ারগনি হায়বা ৱাফম মহাক্না ফোঙদোকখি।
You may also like
-
ৱামানা ঈমা সৈত্যবতি দা ঈকায়খুম্নবা উত্তুনা মনা লান্থোকখ্রে
-
অরানবা সেন্সস পাঙথোকহন্দনবা খোঙজঙগীদমক শেম শাদুনা লৈরে: জিতেন্দ্র নিঙোম্বা
-
মেটর্নেল এন্দ চাইল্ডক্যেয়রগী ফীভম ফগৎহন্নবা সি এমনা এম্বুলেন্স ৩৩ মথৌ তৌহনবা হৌখ্রে
-
নৌরিবা অঙাঙশিং খুদোংথীবা থোকহন্দনবা মীৎ-না শিংনা লৈবা মথৌ তাই: দি সি
-
এম পি ৱাই সি সিনা অকনবা খোল্লাউশিংগা লোয়ননা প্রোটেষ্ট তৌখ্রে