মনিপুরদা দেলিমিটেসন প্রোসেস অমসুং সেন্সস ওপরেসনশিং পায়খত্রিঙৈ মমাঙদা ম্যান্মার অমসুং বাংলাদেশতগী আইন কায়না চঙশীল্লক্তুনা ঙসীফাওবা খুন্দা-লৈতাশিন্দুনা লৈরক্লিবা মীতোপশিং মশক খঙদোক্তুনা খন্দোক্লবা মতূঙদা মশা মশাগী মরমদমদা হলহনখিনবা অকনবা থবক পায়খকদবনি হায়না ঙরাং রাজ্য সভাগী মীফমদা শরুক য়াখিবা মনিপুরদগী রাজ্য সভাগী এম পি নিংথৌ লৈসেম্বা সনাজাউবনা লৈঙাক অমসুং ওপ্পোজিসনশিংগী অকনবা মীৎয়েং চিংশিনখ্রে।
কুমশিং ১৯৬১ দা বেজ ইয়র ওইহল্লগা ম্যান্মার, বাংলাদেশ নচিংবা য়ূমথংনরিবা লৈবাকশিংদগী আইন কায়না চঙশীল্লক্তুনা ঙসীফাওবা খুন্দা-লৈতাশিন্দুনা লৈরকখ্রবশিং লৈঙাক্না তকথোক্ননবা অকনবা থবক- থৌরম হান্না লৌখৎপিয়ু হায়খি। মীতোপশিং হান্না মশক খঙদোক্তুনা খন্দোক্লবা মতূঙদা মখোয়বু মরমদমদা হলহন্দ্রিঙৈ দেলিমিটেসন প্রোসেস অমসুং সেন্সস ওপরেসনশিং চত্থরবদি লমদমশিগী য়েলহৌমীশিংদা য়াম্না চাউনা মাঙজবা অমসুং অকায়বা কয়ামরুম থোক্লক্কনি হায়খি।
মনিপুরগী হীঙশাগী ঈরাং অসীদা লাঞ্জেন্নদুনা ঙসীফাওবা রিলিফ কেম্প শিংদা চঙজফম লৌদুনা লৈরিবা মীওইশিং অসী মশা-মশাগী হান্নগী লৈফমশিংদা অমূক হঞ্জিলহন্ননবা অকনবা মীৎয়েং চঙদুনা থবক পায়খৎলু লোয়ননা মখোয়গীদমক মতীকচাবা রিহেবিলিটেসন পেকেজ পীয়ূ হায়না সনাজাউবনা সেন্টর লৈঙাক্তা তকশীনখি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর