তাবগী শক্তি ৱাৎনা লৈরবা অমসুং ৱা ঙাঙথোকপা ঙমজদ্রবশিংগীদমক য়েংলগা মখোয়দা মতেং পাংননবা মনিপুরদা লৈরিবা লোকেল মেদিয়া চেন্নেলশিংদা সাইন লেঙ্গুইজগী মতাংদা প্রোগ্রাম অমা হাপ্ননবা অথুবা মতমদা থৌরাং তৌরগনি হায়না ষ্টেট লৈঙাক্কি সোসিয়েল ৱেলফ্যের মিনিষ্টর হৈখাম দিঙ্গোনা ফোঙদোকখ্রে। মীয়ামদগী শোত্থনা লৈহৌরবশিং অসিদা হৌজিক মতমগী ওইবা ঈ-পাউশিং খূদক-খূদক্তা ফংহন্ননবা পান্দমদা খোঙথাং অসী লৌখৎকদবনি হায়না মিনিষ্টর অসীনা ফোঙদোকখি।
ওল মনিপুর এসোসিয়েসন ওফ দিফ এন্দ ম্যুট না শীন্দুনা ঙরাং ইম্ফালগী মনিপূর প্রেস ক্লবতা ইন্টরনেস্নেল দে ওফ সাইন লেঙ্গুইজ থৌরম পাঙথোকখিবদা অথোয়বা মীথূংলেন ওইনা শরুক য়াখিবা মিনিষ্টরনা হায়, সোসিয়েল ৱেলফ্যের দিপার্টমেন্টকি মায়কৈদগীসু লাক্লিবা থা অনীগী মনূংদা নৈলিটকা খূৎশম্নরগা তাবা অমসুং ৱা ঙাঙথোকপগী পাঙ্গল-শক্তি ৱাৎনা লৈরবশিংগীদমক অখন্নবা এপ্লিকেসন অমা হৌদোক্ননবা থৌরাং তৌরি।
মীওইবা হায়বসি কনাসু মপূংফাবা নত্তে, অমনা অমগী মতেং পাংনরগা নুংশিননা হিংমিন্নদ্রবদি তাইবংপান অসীদা ঐখোয় হিংবা ঙম্লোই হায়খি। তাবা অমসুং ঙাঙথোকপগী শক্তি ৱাৎনা লৈরবশিংদা সোসিয়েল ৱেলফ্যের দিপার্টমেন্ট কি দিরেক্তর অমসুং দিপ্যুটি দিরেক্তরগা তান্নরগা পাংবা য়াবা মতেং পাংখিগনি হায়না মিনিষ্টরনা ফোঙদোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর