লোকেল এরিয়া দেভলপমেন্ট ফন্দ অসী সেন্টরনা কেন্দ্র খূদিংদা লৈরিবা মীয়ামগী চাওখৎ-থৌরাংশিং পায়খত্তুনা থোং মান্ননা চাওখৎপা, নুঙাই-য়াইফবা লৈবাক অমা শেমগৎননবা মরী লৈনবা এম এল এ অদূগী খূত্থাঙদা পীথরকপা শেনফম অমনি। এম এল এ অদূনা কুশি-রাশি তৌদুনা মরন্নাইগী নুঙাইথোক্নবা শীজিন্ননবা পীরকপা ফন্দ নত্তে। নিয়ম চুম্না শীজিন্নরবদি কেন্দ্র খূদীংমক পূন্না চাওখৎমিন্নগনি হায়না খেত্রিগাউ কেন্দ্রগী এম এল এ শৈখ নুরুল হাসন্না ফোঙদোকখ্রে।
এম এল এ লোকেল এরিয়া দেভলপমেন্ট ফন্দ অমসুং শৈখ ব্রদর্সনা ফন্দিং তৌদুনা, লৈখিদ্রবা শৈখ ব্রদর্স কি অপোকপা শাজবম নুর মুহম্মদকি মিংদা শেমগৎ-শাগৎখিবা ভিজন খেত্রিগাউগী মনূংচন্না খেত্রিগাউ ঈরিল মপান য়ূথ ক্লব মল্টিপরপজ স্পোর্টস কমপ্লেক্স শঙ্গাবগী থৌরমদা মহাক্না ৱাফম অসী ফোঙদোকখিবনি। থৌরম অদূগী শরূক অমা ওইনা শৈখ ব্রদর্সনা কে আই ৱাই সি ফুটবোল টরফ গ্ৰাউন্দ, কম্মুনিটি হোল, বেদমিন্টন কোর্ট, ক্লব অদূগী বিল্ডিং, রেসিদেন্সিয়েল ফুটবোল একাদেমি, ৱাল্কিং ট্রেক্ট, কে আই ৱাই সি ওপন জিম, কে আই ৱা ই সি ইনফোর্মেসন টেক্নোলোজি সেন্টর কম লাইব্রেরি মীয়ামদা খূৎশীন্ন খি।
লোকেল এরিয়া দেভলপমেন্ট ফন্দ অসী চহী অমদা লূপা ক্রোর অনীনি। মসী ইন্সটোলমেন্ট ওইনা তাঙ্কক মরিরক থোক্না পীবনি। শেমফম অসী মীয়ামগীদমক নিয়ম চুম্না শীজিন্নরবদি কেন্দ্র খূদিং থোং মান্ননা চাওখৎপা ঙমহনগনি হায়খি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে