ইম্ফাল ইষ্ট দিস্ট্রিক্টকি মনূঙচন্না খূরায় কোংপাল তিন্সিৎ রোদ পরীংগী কোংপাল থোংখোংদা লৈরিবা নেটাজি মেমোরিয়েল ক্লবকি গ্ৰাউন্দা হয়েং নবেম্বর ১৩ দগী হৌদুনা লিয়াংমাই ফূরূপকি কৈথেল অমা চাং নাইনা হাংদোক্লগনি।
লিয়াংমাই হায়রিবা নাগা কাঙলূপ মখল অসী মনিপুরদা য়েলহৌঙৈদগী খুন্দা -লৈতাদুনা,মৈতৈ অমসুং মৈতৈ -পাঙলশিংগা অমত্তা ওইবগী অমসুং মচীন -মনাও ওইবগী অচেৎপা মরী লৈনরক্লিবা ফূরূপ অমনি।মীশীং য়ামজদ্রবসু ফূরুপ অসীনা মশাগী লৈজরিবা নাৎ অমসুং কলচরগী তোপ -তোপ্পা শক্তম ঙাক্তুনা ঙসী ফাওবা লমদমশিদা অতৈ কাঙলূপশিংগা য়াম্না চান্ন -চিন্ননা হিংমিন্নরক্লিবনি।
ফূরুপ অসীগী ওইবা তোমথিন ওইরবা চৎনবী,ট্রেদিসন অমদি কলচর লৈজরকই।মচীন -মনাও ওইবগী অচেৎপা মরী অদূ নীংশীংদুনা তুংকোইনা নুংশিনবগী,অমত্তা ওইবগী মরী শাগৎনবা পান্দমদা লিয়াংমাই ফূরূপকি কৈথেল অমা হয়েং নবেম্বর ১৩ গী অয়ূক পূঙ ৫ দগী নেটাজি মেমোরিয়েল ক্লবকি গ্ৰাউন্দা হাংদোক্কদৌরিবনি হায়না লিয়াংমাই ইম্ফাল মার্কেট কম্মিটিনা ফোঙদোরক্লি।মীয়াম্না কৈথেল অসীদা ফংবা চীঙগী পোত্থোকশিং লৈবিদুনা অপীকপা লিয়াংমাই ফূরূপকি ঈচীল -ঈনাও,ঈচে -ঈচলশিং অসীবু পূন্না শৌগৎমিন্নসি হায়রক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা