মমাঙ চহী ২০২৪ দা কুকি- মিলিটেন্টশিংনা মৈতৈ ফূরুপকি খুঞ্জাশিংদা থেংখাঙ কয়ারক হন্না দ্রোনশিং শীজিন্নদুনা বোম্বিং এত্তেকশিং চত্থরকখ্রবা মতূঙদা থা অসীগী ১৪ গী নুংদাং পূঙ ৯.২৫ রোম তারকপদা কুকি-মিলিটেন্টশিংনা নৌহৌননা ইম্ফাল নোংচূপ পানাগী লমশাং পুলিস ষ্টেসন্না কোনবা কাংচুপ চীঙখোঙ এরিয়াদা লৈরিবা মৈতৈ খুন্দা দ্রোন শীজিন্নদুনা বোম্বিং এত্তেকশিং অনিরক হন্না চত্থরকখ্রে।
মফম অদুগী লমদাইবুং থোং মনাক্তা দ্রোন বোম্বিং চত্থরকখিবনি। মফম অদুগী মনাক্তা ৫ শুবা এম আর গী পোষ্ট অমসু লৈবনি হায়রি। মদূগী মতূঙ ঙাইহাক লৈরগা নুংদাং পূঙ ৯.৩০ খরা হেল্লকপা অদুৱায়দসু ফয়েং পঞ্চায়েট ঘর মনাক্কি লম্বী মনাক্তা অতোপ্পা বোম অমসু দ্রোন শীজিন্নদুনা থাধরকখি হায়রি। মঙাশুবা মনিপুর রাইফলসকি পার্সনেলশিং নসু নোংমৈ রাউন্দ ২০ লোম দ্রোন অদুদা কাপখত্তুনা খূৎ হনখি।
মদুদগী খূদক্তা মমায় লৈদুনা দ্রোন অদূ চীঙলোমদা হল্লগা পাইশিনখিবনি হায়না পুলিসকি ষ্টেটমেন্ট অমনা ফোঙদোরক্লি। কাংচুপ, পোল্লেন, কাংচুপ তুইকুল হায়রিবা কুকি- খুঙ্গংশিং অদোমদগী দ্রোনশিং অদু পাইশিল্লক্লগা বোম অনীদু থাধরকখিবনি। মীচম শোকপদি য়াওখিদে হায়নসু পাউ অসীনা মখা তারক্লি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে