চৎলিবা সেপ্তেম্বর থা অসীগী ১৬ তা মনিপুরগী চিফ মিনিষ্টর সেক্রেটরিয়েত্তগী সেক্রেটরি টু চিফ মিনিষ্টর ওইনা লৈরিবা নিংথৌজম জিওফ্রিনা খূৎয়েক পীদুনা মনিপুরগী সেক্যুরিটি এদভাইজর কুলদিপ সিংহ অমসুং দি জি পি রাজিব সিংহদা এদ্রেস তৌদুনা পীরকখিবা লৈঙাক মনূংগী অরোনবা সেক্যুরিটিগা মরী লৈনবা চেরোল অমা সোসিয়েল মেদিয়াদা লিক ওইরকখিবা অদূনা মরম ওইরগা মনিপুরগী মীয়াম্না মিপাইনরিবসি থোইনা মিপাইনিঙাই লৈতে হায়না সেক্যুরিটি এদভাইজর কুলদিপ সিংহ অমসুং দি জি পি রাজিব সিংহ না পূন্না খূৎয়েক পীরবা চেরোল অমা থোক্তুনা মীয়ামদা শেংদোরক্লি।
ম্যানমার রোমদগী মপূংফানা ট্রেন তৌরবা, জঙ্গল ৱারফ্যেরদা থোইদোক্না হৈথোই- শিংথোইরবা কুকি- মিলিটেন্ট ৯০০ মনিপুরদা চঙশীল্লকখ্রে। মখোয়না লাক্লিবা সেপ্তেম্বর ২৬ তগী ২৮ ফাওবদা মনিপুরগী মৈতৈশিংদা এত্তেকশিং চত্থরক্নবা থৌরাং তৌরি হায়রিবা ইনপুট অদূগী মরমদা য়াম্না মপূংফানা, ক্বার্টর খূদিংমক্তগী ভেরিফাই তৌদুনা য়েংশিনখিবদা তশেংনা অসিগুম্বা এত্তেক চত্থরক্কনি হায়বগী অমসুং মিলিটেন্ট শিং চঙশীল্লকখিবগী খূদম চাংদম অমত্তা ফংবা লৈরমদ্রে।
অদূম ওইনমক মীচম-মীয়ামগী পুন্সি অমসুং লন-থুম ঙাক-শেনবগী থবক হেন্না কনখৎহল্লে, সেক্যুরিটি পার্সনেল খূদিংমক হায়- এলার্ট তা লৈহন্দুনা, পামদবা থৌদোক অমা থোক্লকপা মতমদা য়াম্না থুনা পাউখুম পীননবা থৌরাং তৌরি হায়বা ৱাফম ফোঙদোরক্লি। মীয়াম্ন সু অসীগুম্বা সোসিয়েল মীদিয়াদা তোকঙা শন্দোরক্লিবসিদা থাজবা থম্বিগনু হায়রি।হীরম অসীগী মতাংদা Ankur বা চেরোল অমা সেক্রেটরি টু চিফ মিনিষ্টর নিংথৌজম জিওফ্রিনা খূৎয়েক পীদুনা ঙরাং থাদোরকখ্রে।