হৌজিক লৈবাক অসীগী খ্বাইদগী অৱাংবা ৱায়েন লোয়শঙ অমা ওইরিবা সুপ্রিম কোর্টকি অনীশুবা খ্বাইদগী সেনিয়র জষ্টিস ওইনা লৈরিবা জষ্টিস সুর্য কান্ট না লাক্লিবা নভেম্বর থাগী চৈচৎ ২৪ দগী চিফ জষ্টিস ওইনা থবক পায়বা হৌরগনি।
মমাঙগী চয়োলদা হৌজিক চিফ জষ্টিস ওইনা লৈরিবা জষ্টিস বি আর গাভাইনা য়ুনিয়ন লৈঙাক্কি মফমদা চেরোল অমা ইদুনা জষ্টিস সুর্য কান্ট বু সুপ্রীম কোর্টকি মথঙগী ৫৩ শুবা টার্ম অসীগী চিফ জষ্টিস ওইনা এপ্পোইন্ট তৌননবা রিক্কমেন্দ তৌখিবগী মতূঙ ইন্না লৈবাক অসীগী প্রসিদেন্ট দ্রৌপদি মুর্মুনা জষ্টিস সুর্য কান্ট বু সুপ্রীম কোর্টকি মথঙগী চিফ জষ্টিস ওইনা এপ্পোইন্ট তৌখিবনি।
হৌজিক এপেক্স কোর্ট অসীগী চিফ জষ্টিস ওইনা থৌ পুরিবা বি আর গাভাইগী থবক্কি মতম অসী লাক্লিবা নবেম্বর ২৩ দা লোইরগদবা মরম্না খোঙথাঙ অসী লৌখৎলকপনি হায়না য়ুনিয়ন মিনিষ্টর ওফ লো এন্দ জষ্টিস মিনিষ্টর আর্জুন রাম মেঘৱালনা ফোঙদোকখিবগা লোয়ননা জষ্টিস সুর্য কান্ট বু থাগৎপা ফোঙদোকখি।