হৌখিবা কুমশিং ২০২৩ গী মে অহুমদগী মনিপুরদা হৌরক্লিবা হীঙশা অসীগী মনূঙচন্না কুকি মীলিটেন্টশিংনা জিরিবাম দিষ্ট্রিক্ট কি তোঙান-তোঙানবা মফমশিংদা লৈরিবা মৈতৈ ফূরূপকি য়ূম-কৈ কয়া পাক-শন্না মৈ থাবা, পীক্লিবা অঙাঙ মচাফাওবা খাক্তনা অঊ-অঊবা মৈতৈ ফূরূপকি মীওই পূম্নমক হাৎপগী থৌওংশিং চত্থরকপদগী দিষ্ট্রিক্ট অসীগী ওইনা তোঙান-তোঙানবা মফমশিংদগী লাঞ্জেন্নরক্তুনা জিরিবাম পুলিস ষ্টেসন কমপ্লেক্স তা ঙসীফাওবা মীয়াম্না চঙজফম লৌদুনা লৈরক্লি।
চৎলিবা থা অসীগী ২৮ গী অহীঙ, নোংঙাল্লমদাই পূঙ ২ রোম তারকপা মতমদা জিরিবাম রিলিফ কেম্প হায়রগা হেন্না খঙনরিবা মফম অসীদা চঙজফম লৌরিবশিংগী মরক্তগী, মশাগী চহী শুপ্নগী ১৩ খক্তা ঙায়রিবা, অঙাঙ নূপামচা অমা মথন্তা থৌরী য়াল্লগা আত্মাঘাৎ তৌরম্লে।
অঙাঙ অদুগী মমিং য়ুরেম্বম অঙম্বা কৌই, জিরিবাম দিষ্ট্রিক্টকি বোরোবেক্রা সব- দিবিজনগী মনূঙদা লৈরিবা লমতাই খূন্নৌদগী লাঞ্জেল্লক্লগা রিলিফ কেম্প অদূদা হৌজিক চঙজফম লৌদুনা লৈরিবা য়ুরেম্বম রোমিও সিংহগী মচানূপানি হায়রি।মহাক্কি থৱায় য়াওদ্রবা হকচাং অদূ পোষ্ট মোর্টেমগীদমক সিলচর মেদিকেল কোল্লেজ এন্দ হোস্পিটালদা পুখৎখ্রে।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে