জেলিয়াংরোং য়ুনাইটেদ ফ্রন্ট ( জেট য়ূ এফ) হায়না খঙনরিবা খূৎলায় পায়বা লূপ অসীনা ঙরাং কাংপোকপী দিষ্ট্রিক্ট কি মনূঙ হঞ্জিন্না লৈরিবা চীঙনূংগী মফমশিংদা কুকি -জো কাঙলূপকি লালহৌলূপশিংনা পাক -সন্না থারম্বা পোপ্পি পাম্বীশিং য়ান্থত্তুনা মাঙহনখ্রে লোয়ননা থবকশিং অদূ চত্থনবা শারম্বা লৌতাঙশং কয়াসু মৈ থাদোকখ্রে। লালহৌলূপ অসীনা সোসিয়েল মেদিয়াদা থাদোরকখিবা ভিদিও ক্লিপ অমদা লৌতাঙশংনচিংবা কয়ামরূম মৈ থাদুনা অমাঙ -অতা থোকহনখিবগী শক্তমশিং মীয়ামদা ঊৎখি।
মসীগা লোয়ননা জেট য়ূ এফ না ফোঙদোরকপগী মতূঙ ইন্না, কুকি -জো কাঙলূপকি লালহৌলূপশিংনা অমসুং কাঙলূপ অসীগী লমহেন -তুহেনবশিংনা জেলিয়াংরোং কাঙলূপকি এরিয়াদা অকন -অরীঙ শীঙদুনা চঙশীল্লক্লগা পোপ্পি থাবা,টাইগর লম্বী হায়না মিংথোন্দুনা অনৌবা লম্বী শেমগৎপনচিংবা কয়ামরুম চত্থরক্লিবসি তৌগনু,জেলিয়াংরোংগী এরিয়াদা কুকিলেন্দ লৈতে হায়বা ৱাফম কয়ারক ফোঙদোক্তুনা খঙহনখ্রবসু থৌশাদনা লৈরকলি।য়াদে হায়বদু খঙহন্দবা য়ারক্তবদগী পোপ্পি পাম্বীশিং অমসুং মখোয়না শাজিল্লম্বা লৌতাঙশঙশিং মৈ থাদুনা মাঙহনবনি হায়রক্লি।
জেলিয়াংরোংগী এরিয়াদা অসীগুম্বা আইননা য়াদবা থবক থৌরম অমত্তা মতূঙদা চত্থরকপা য়ারোই হায়রক্লি। মনিপুর পুলিস অমসুং সেন্ট্রেল ফোর্সশিংসু জেট য়ূ এফ কি তুং ইনবিরকউ,পূন্না থবক পায়খৎমিন্নবদা অকায়বা করিসু লৈতে,কুকি -জো কাঙলূপকি লালহৌলূপশিংনা চত্থরিবা অরানবা থৌওংশিং অসী থিংমিন্নসি,অকিবা লৈগনু,নখোয়দি রিৱার্দসু ফংগদৌরিবনি হায়না ফোঙদোরক্লি।
You may also like
-
এম পি সি সিনা কুম্বিদা নোংমগী ওইবা পোলিটিকেল কনফরেন্স পাঙথোকখ্রে
-
আই দি পি নূপীমচা অমা শিরম্লে, চেন্নবনি হায়বা নূপা অমা ফাগৎখ্রে
-
ত্রোংলাউবি অৱাং লৈকায়দা কুকিনা কাপশীল্লকপদা পীক্লিবা মচীন-মনাউ অঙাং অনী শিরে
-
থা কাখিবা আর্টেমিস-২ , ঙসী মশাগী পন্থুংফম য়ৌরগনি
-
ময়াই কাবা দ্রগকি মায়োক্তা এম এস এফনা শীন্দুনা বাইক রেল্লি চৎখ্রে