চৎলিবা এপ্রিল থা অসীগী ৬, নিংথৌকাবা নুমিৎকি অহীঙ নোংয়াই মতূঙ লৈবাকপোকপা নুমিৎকি মতম য়ৌশিল্লক্তুনা নোংয়াই মতূঙ পুঙ ১.৩০ রোম তারকপা মতমদা বিষ্ণুপুর দিষ্ট্রিক্টকি মনূঙচন্না মোইরাং এরিয়াগী ট্রোংলাউবী অৱাং লৈকায়দা কুকি মিলিটেন্টশিংনা চত্থরকখিবা বোমগী এত্তেকতা পীক্লিবা অঙাঙ মচীন-মৌপ্ৱা অনীমক লৈখিদবা অমসুং মখোয়গী অপোকপী মমা,ওইনাম ওঙবী বিনিতা লৈমা (৩৬) বু য়াম্না অরুবা ফীভমদা শোকহনখিবা থৌদোক অদূগী মতাঙদা জোইন্ট এক্সন কম্মিটি (জে এ সী) অমা শেমখ্রে।
হায়রিবা এক্সন কম্মিটি অদূগী মমীংনা, “জে এ সী এগেন্স দি ব্রুটেল কিল্লিং ওফ মাইনর চীল্দ্রেন ওইনাম তোমথিন,ফাইব ইয়র্স এন্দ ওইনাম য়াইস্না,ফাইব মন্স এন্দ সিভিয়র ইঞ্জুরি ওফ ওইনাম বিনিটা লৈমা (৩৬), ৱাইফ ওফ ওইনাম মঙাল মীতৈ, ট্রোংলাউবী অৱাং” হায়না খঙনরগনি হায়রি। জে এ সি অসীনা লৈখিদ্রবা, পীক্লিবা মচীন-মৌপ্ৱা অনী লৈখিদবা অমদি তমথীনা অশোক-অপন মায়োক্নদুনা হৌজিক ইম্ফালগী রাজ মেদিসিটিদা লায়েংদুনা লৈরিবা অসীগী জষ্টিস অথূবা মতমদা ফংহন্ননবা অমসুং মতীকচাবা কম্পেনসেসন পীবীননবা লৈঙাক্তা তকশীল্লগনি।
লোয়ননা ট্রোংলাউবিগী মনাক্তা লৈরিবা চীঙ কারক্তা মনিপুর পুলিসনা ঙাকহনবীননবা, অদুগা সি আর পি এফ থম্লিবা অদূ খূদক্তা লৌথোকখিননবা ষ্টেট লৈঙাক্কি মফমদা তকশীল্লগনি হায়রি। ৱাফম অসী জে এ সি অসীগী এদভাইজর ওইখ্রবা গৌরো মোইরাংথেম না ফোঙদোকখিবনি।
You may also like
-
কোকোমিনা লুচিংবা মীয়াম্না চিফ মিনিষ্টর বাংলোদা থোমজীল্লকপদা এস এফকা মূক্নখ্রে
-
সি এম্না চ্যের লৌদুনা য়ুনিফাইদ কম্মান্দগী মীফম পাঙথোকখ্রে, য়ুকেএনএ গী কাদর ৩ ফাগৎখ্রে
-
বাংলাদেশতা পাঙথোকপা লাই হরাওবা থৌরমদা মনিপুরগী টিম অমা শরুক য়ারি
-
বোম থমজিল্লম্বগী মায়োক্তা মীয়াম্না ৱাকৎ -মীফম পাঙথোক্তুনা য়ানীংদবা ফোঙদোকখ্রে
-
মৈতৈ-পাঙলগী সি এস ওশিংনা মিনুথোং হত্তাগী লম্বী থিংদুনা ট্রোংলাউবী থৌদোকপু কন্না য়ানিংদবা ঊৎখ্রে