হন্দক মনিপুরগী কেপিটেল সিটি ইম্ফালদা লাক্লিবা ফেব্রুয়ারি থাগী ৬ তগী ৯ ফাওবা পাঙথোক্কদৌরিবা ইম্ফাল ইন্টর্নেস্নেল ফীল্ম ফেষ্টিবেলগী অনিশুবা ইদিসন, ২০২৫ অসীগা মরী লৈননা মনিপুর ষ্টেট ফীল্ম দেভলপমেন্ট সোসাইটি ( এম এস এফ দি এস) গী সেক্রেটরি সঞ্জু বাচস্পতিময়ূম্না লুচিংবা টিম অমনা রাজ ভবন্দা চত্তুনা মনিপুরগী গভর্নর অজয় কুমার ভল্লাগা উনখ্রে।
ফীল্ম ফেষ্টিবেল অসী মপূঙফানা, মায় পাক্না পাঙথোক্ননবগী ৱাফম কয়ামরুম গভর্নরগা খন্ন-নৈনখি। হন্দক্কি ফীল্ম ফেষ্টিবেল অসিদা মনিপুরী ফীল্ম ১৩ য়াওনা পূন্না ফীল্ম ৫৭ ঊৎকদৌরি। এম এস এফ দি এস কি হোল অমসুং ইম্ফাল দা লৈরিবা অতৈ সিনেমা হোল ৪ দসু ফীল্মশিং ফেষ্টিবেল অসীদা ঊত্তুনা অথোয়- অহেন চাংদম্নগদবনি।
ফিক্সন অমসুং নোন-ফীক্সন হায়না চাউরাক্না কাঙলূপ অনী থোক্না খায়দোক্লগা অথোয় অহেন চাংদম্নগনি হায়রি। ইন্টর্নেস্নেল ফীল্ম ৭ য়াওনা পূন্না ফীক্সন ফীল্ম ১১, নোন-ফীক্সন কেটাগোরিদনা ফীল্ম ৬ চাংদম্নগনি হায়রি। ফেষ্টিবেল অসী মায় পাক্না পাঙথোকপা ঙম্ননবা গভর্নরনা অঙম্বা থাক্তা মতেং পাংগনি হায়না ষ্টেটকি গভর্নর অজয় কুমার ভল্লানা টিম অদূদা ফোঙদোকখি।
You may also like
-
অসাম রাইফলসনা পল্লেলদা ঈ দান তৌখ্রে
-
প্লাষ্টিক্কি পোৎলমশিং থিংবগী খোঙজঙ হেন্না কন্সীল্লগনি: দি সি সুভাস
-
ৱক্ফ এমেন্দমেন্ট এক্টকি মায়োক্তা নেস্নেল কনফরেন্স না ৱাকৎ-চেরোল থাঙ্গৎকদৌরি
-
মোরেগী দুকানশিংদা রেইদ চত্থবদা য়াম্লবা য়ুঙাঙ, য়ুঙৌশিং ফাগৎপা ঙমখ্রে
-
মনিপুর পুলিস য়াওবা কম্বাইন সেক্যুরিটি ফোর্স পার্সনেলশিংনা কে সি পি (পি দব্লিয়ু জি) গী এক্তিব কাদর অমা ফাগৎপা ঙমখ্রে