হৌজিক মনিপুরদা মায়োক্নরিবা হীঙশাগী ঈরাঙ অসীনা মরম ওইরগা কুমশিং ২০২৩ দগী লাঞ্জেন্নরক্তুনা মীওই লীশিং ৬০ রোম মনিপুর গী তোঙান তোঙানবা রিলিফ কেম্পশিংদা চঙজফম লৌদুনা লৈরিবা অসীগী মরক্তা ইম্ফাল ইষ্ট দিষ্ট্রিক্টকি ইরিলবূং পুলিস ষ্টেসনগী মনূঙচন্না অকাম্পাৎ রিলিফ কেম্প দা লৈরকখিবা ইন্টর্নেল্লি দিসপ্লেস পার্সন (আই দি পি) নূপীমচা অমা ঙরাং অয়ূক অশীবা হকচাং ওইনা মীয়াম্না ফংখ্রে।
নূপীমচা অদূ হৌখিবা এপ্রিল মঙাগী নুংদাংৱাইরমদগী মাঙখিবা মরম্না মীয়াম অমসুং রিলিফ কেম্পরশিংনা ঈশীংদা তাখিবা ওইরমগনি খনবদগী মনাক নকপদা লৈবা পূখ্রীশিংদসু কূমথরগা থিনদুনা লাকখিবনি।ঈমূঙ-মনূঙগী মীওইশিংনা ঈরিলবুং পুলিস ষ্টেসনদা মিসিং রিপোর্ট অমা এপ্রিল মঙাদা পীশীনখিবসু লৈখ্রবনি হায়রি।
নূপীমচা অদূ শিখিবা থৌদোক্তা চেন্নবনি হায়বা, রিলিফ কেম্প অদূমক্তদা পূন্না লৈমিন্নবা মীওই অমা ঈরিলবুং পুলিসনা ফাগৎখিবগা লোয়ননা হৌজিক মহাক পুলিস ষ্টেসন অসীদা ষ্টেটমেন্ট লৌদুনা লৈরি।মহাক্কি মমীং লাইশ্রম লানঙম্বা কৌই।মহাক্কি অপোকপগী মিংনা এল বিরা কৌই হায়রি।মীওই অদূ পুলিসনা মীয়ামদা শিন্নগদবনি হায়না আই দি পিশিংনা ঈরিলবুং পুলিস ষ্টেসনদা থোমজিনখি। পুলিস অমসুং মীয়ামগী মরক্তা চাউনা মূক্নখি।
লাইশ্রম লানঙম্বা অসী কাঙলূপকি ইরাংনা মরম ওইদুনা চুরাচান্দপুর দগী লাঞ্জেন্নরক্লগা রিলিফ কেম্প অদূদা লৈরকখিবনি।
You may also like
-
এম পি সি সিনা কুম্বিদা নোংমগী ওইবা পোলিটিকেল কনফরেন্স পাঙথোকখ্রে
-
ত্রোংলাউবি অৱাং লৈকায়দা কুকিনা কাপশীল্লকপদা পীক্লিবা মচীন-মনাউ অঙাং অনী শিরে
-
থা কাখিবা আর্টেমিস-২ , ঙসী মশাগী পন্থুংফম য়ৌরগনি
-
ময়াই কাবা দ্রগকি মায়োক্তা এম এস এফনা শীন্দুনা বাইক রেল্লি চৎখ্রে
-
চিফ মিনিষ্টরনা জিরিবামদা উ থাখ্রে, কাঙলূপশিং পূন্না চাকলেন চামিন্নখ্রে