আই সি আই সি আই প্রুদেন্সিয়েল লাইফ ইন্সুরেন্স কম্পেনি না মসীগী য়ুনিট লিঙ্ক ইন্সুরেন্স প্লান্টস ( য়ুলিপ্স) কি মখাদা দিভিদেন্দ লিদর্স ৫০ ইন্দেক্স ফন্দ লোঞ্চ তৌখ্রে।
অনৌবা ফন্দ অসিনা কষ্টমরশিংবু মতম কুইরক্লবা মতূঙদা লন-থুম তুঙশিনবগী মপূঙফাবা কান্নবা লৌবা ঙমহল্লগনি হায়রি লোঞ্চ তৌবগী থৌরমদুদা ৱা ঙাঙলদুনা কম্পেনি অসিগী চিফ ইনভেষ্টমেন্ট ওফিসার মানিশ কুমারনা হায়, দিবিদেন্ট লিদর্স ৫০ ইন্দেক্স ফন্দ হায়বসিনা কষ্টমরশিংদা দিসসিপ্লিন লৈবা অমদি নুং-পান ফাওনা উবা ঙম্বা লম্বী অমা পীবা ঙমগনি লোয়ননা ইক্বিটি মার্কেট্টা য়াওবা ঙমহনগনি।মসিনা য়াম্না মতীকচারবা দিবিদেন্ট ট্রেক্ট রেকোর্দ থম্বসু ঙমহনগনি হায়খি।
ফন্দ অসীনা বি এস ঈ ৫০০ দিবিদেন্ট লিদর্স ৫০ ইন্দেক্স কি মতূঙ ইনগনি।মসিনা খরা হেন্না পাকথোক-চাউথোক্লবা বি এস ই ৫০০ য়ুনিভর্স কি কম্পেনি ৫০ গী খুদোংচাবা কয়া ফংগনি হায়খি।হৌখিবা চহী ১০ গী মমাঙদগী কম্পেনিশিং অসিনা দিবিদেন্টশিং পীদুনা লাক্লিবনি।ইন্দেক্স অসীগী মনূঙদা কন্সটিট্যুয়ন্ট ৫০ লৈরিবনি অদূগা চহীগী ওইনা রি-বেলেন্স তৌরি হায়বা ৱাফম মহাক্না ফোঙদোকখি।
