ফাইনেন্সিয়েল ইয়ারগী য়াম্না অচীনবা থবক-থৌরমশিংগী চৈরক্তা য়ুনিয়ন হোম মিনিষ্টর আমিট শাহনা কৌরকপদগী চিফ মিনিষ্টর য়ূম্নাম খেমচান্দ ঙরাং ন্যু দিল্লিগীদমক ইম্ফাল থাদোকখ্রে।
মহাক্কি হন্দক্কি খোঙচৎ অসীদা প্রাইম মিনিষ্টরগা উনবগী সেদ্যুল্ড য়াওদে। কুকি অমদি নাগা কম্যুনিটি অনীগী মরক্তা থোক্লিবা হীঙশাগী ঈরাঙ অমদি মিনিষ্টর তরেৎ হাপচীন্দুনা মহাক্কি মিনিষ্ট্রি মখাতানা চাউথোকহন্নবগী মতাঙদা মরু ওইনা খন্ননবা চৎপা ওইগনি হায়না রাজনিটি নৈনবশিংনা মোৎ ফোঙদোক্নরি। ফাইনেন্সিয়েল ইয়ারগী য়াম্না অচীনবা লৈবা মরম্না চিফ মিনিষ্টর অসীনা ইম্ফালদা হল্লকপগা অথূবা মতমদা মহাক্কি মিনিষ্ট্রি এক্সপান্দ তৌগনি হায়বদি লৈত্রি অদূম ওইনমক লাক্লিবা এপ্রিল ১০ ফাওবগী মনূঙদা মহাক্কি মিনিষ্ট্রি দা মিনিষ্টর তরেৎ হাপচীনগনি হায়বগী থাজবদি লৈ হায়রি।
চিফ মিনিষ্টর অসী কৈদৌঙৈ ইম্ফালদা অমূক হল্লক্কদগে হায়বসু খঙবা ঙমদ্রি। ফাইনেন্সিয়েল ইয়ারগী য়াম্না অচীনবা লৈরবসু চিফ মিনিষ্টরনা পাঙথোক্কদবা মথৌশিং অয়াম্বদি লোইশিল্লম্লে হায়না মশামক্না ফোঙদোক্লম্বসু লৈরিবনি।
You may also like
-
নাগা কুকি অনীগী উংখৎনবা হেঙ্গৎলক্লে, নাকল অনীগী মীওই অহূম শোক্লে, লাইসেন্স নোংমৈ পীখৎলক্নবা ওর্দর থোকখ্রে
-
চেতক স্ক্রিন এৱার্দস সিরেমোনিগী নোমিনেসন লিষ্ট ফোঙদোরকখ্রে
-
য়েলহৌমী ফূরূপ ৩৬ না পূন্না ঙাক্তুনা লাক্লিবা ঈরমদম মনিপুরনি:চিফ মিনিষ্টর
-
মনিপুরদা থোক্লিবা হীঙশা অসী লোইশিন্নবা সেন্টর লৈঙাক্না লৌফম থোকপা মথৌদাং লৌদ্রি: বিমোল অকোয়জম
-
কে জেট সিগী চ্যেরমেন থাংলেটকি য়ূমদা মীয়াম্না এত্তেক চত্থরকখ্রে