চহী অসীগী সেপ্তেম্বর অমদা ঈখঙ খঙহৌদনা চিন কুকি- নার্কো টেরোরিষ্ট শিংনা ইম্ফাল ৱেষ্ট দিষ্ট্রিক্টকি কৌত্রুক অমসুং কদাংবন্দ এরিয়াশিংদা বেথেল চীঙগী মায়কৈরোমদগী দ্রোন বোম্বিং য়াওনা নোংমৈ বোমগী এত্তেক চত্থখিবা থৌদোক অদূগী মতাংদা নেস্নেল ইনভেষ্টিগেসন এজেন্সি ( এন আই এ) না লৌখৎখিবা কেস অমগা মরী লৈননা থা অসীগী ১৬ তা ইনভেষ্টিগেসনগী থবক থৌরম লৌখৎপা হৌখ্রে। কেস অসী অহানবদা ইম্ফাল ৱেষ্ট দিষ্ট্রিক্ট পূলিসকি কাঙবূনা পায়খৎলম্বদগী হৌখিবা নুমীৎ খরনিগী মতমদগী এন আই এ দা শিন্নখ্রবা মতূংদগী নেস্নেল প্রোব এজেন্সি অসিনা অহানবা ওইনা হন্দক হকথেংননা স্পোট্টা চঙশীল্লক্তুনা থিগৎপগী থবকশিং চত্থখিবনি।
সেপ্তেম্বর অমদা ঈখঙ খঙহৌদনা চিন কুকি- নার্কো টেরোরিষ্টশিংনা চত্থরকখিবা অকিবা ফংলবা এত্তেক অদুদা ঙাঙোম ওংবী সুরবলা কৌবী মৌ নহা অমা মকোক্তা স্নাইপর মরুনা পানবদগী লায়কন্নবা নংদনা স্পোট মফমদা লৈখিদবনি। মপামদা লাক্লবা মতূং মহাক্কি মপূরোইবগী য়ূমদা হনখিবগী লম্বীদা বেথেল কুকি খুল মায়কৈরোমদগী কুকি- মিলিটেন্টশিংনা কাপ্লকপা স্নাইফর নোংমৈগী মরু অমনা মহাক্কি কোক্তা পানবদগী মৌ নহা অদূ লৈখিদবনি অদূগা মহাক্কা লোয়নরকখিবা চহী তরেৎখক্তা ঙায়রিবি মচানূপী অমনা মখূত্তা নোংমৈ মরূনা পানবদগী শোক্তুনা হোস্পিটালদা লায়কন্নখিবনি।
এন আই এ না থিজিনখিবা অদুদা লমশাং পুলিস ষ্টেসনগী ওফিসার ইন- চার্জ, ইম্ফাল ৱেষ্ট দিষ্ট্রিক্ট পূলিসকি এস দি পি ও সু শরুক য়াখি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে