হৌখিবা পূঙ ২৪গী মনূংদা ইন্দিয়ান ইন্সটিট্যুট ওফ টেক্নোলোজি (আই আই টি)কানপুরগী মায়কৈদগী দিল্লিদা ক্লাউদ সিদ্দিং তৌদুনা খূৎশেমগী নোং চুহল্লগা ঈশীং -নুংশিৎ শেংহন্নবা থৌরাং অনীরক লৌখৎখ্রবসু মায় পাকপদি ঙমখিদ্রে। দিল্লী লৈঙাক্না আই আই টি কানপুরগী তেঙবাং লৌদুনা ঈশীং -নুংশিৎ কা হেন্না মোৎশীল্লক্লিবা লমদম অদূদা অকোয়বগী ফীভম শেংনা থম্ননবা থৌরাং তৌরকখিবনি।
অদূম ওইনমক হৌজিক দিল্লী গী নোংথক্তা পাইরিবা লৈচীলশিংদা ঈশীং মনিল য়াওবগী চাং য়াম্না নেম্না লৈরিবা মরম্না ক্লাউদ সিদ্দিং তৌদুনা খূৎশেমগী নোং চুহন্নবা হোৎনবা পূম্নমক অরেম্বা তাখিবনি হায়না আই আই টি কানপুরগী প্রোফেসার সুমেই রঞ্জন্না ফোঙদোকখি। ক্লাউদ সিদ্দিং তৌদুনা খূৎশেমগী নোং চুহন্নবা হোৎনবা মতমদা খ্বাইদগী মথৌ তারিবা অসীদি অকক্নবা মফম অমসুং মতমদুদা নোংথক্তা পাইরিবা লৈচীলশিংদা ঈশীং মনিল কয়া য়াম্না য়াওবগে হায়বদুনি।লৈচীলদা ঈশীং মনিলগী চাং য়াম্না য়াওরবা মতমদুদা ক্লাউদ সিদ্দিংগী থবক মায় পাক্না পাঙথোকপা য়াগদৌরিবনি।
অদূম ওইনমক হৌখিবা পূঙ ৪৮ লোমগী মতমসিদা দিল্লী গী নোংথক্তা পাইখিবা লৈচীলদা ঈশীং মনিল য়াওবগী চাং অসি শূপ্নগী চাদা ১৫ দগী ২০ ফাওবদমক ওইখি হায়না মহাক্না মখাতনা ফোঙদোকখি। দিল্লী লৈঙাক্কি এনভাইরনমেন্ট মিনিষ্টর মঞ্জিন্দর সিংহ শিরশা না ফোঙদোরকখিবগী মতূঙ ইন্না, দিল্লীগী নোংথক্তা পাইরিবা লৈচীলশিংদা ঈশীং মনিল য়াওবগী চাং হেক ৱাংখৎলকপগা ক্লাউদ সিদ্দিং মখা চত্থখিগনি হায়খি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে