ষ্টেট অসীগী চীঙ অমসুং তম্পাক্কা তাইনরিবা চিংননিঙায় ওইবা তোঙান তোঙানবা মফমশিংদা মনিপুর পুলিশ অমসুং সেন্ট্রেল সেক্যুরিটি ফোর্স শিংগী কম্বাইন টিম্না হৌজিকসু অহীঙ- নুংথিল লেপ্পা লৈতনা লমদমসিদা মহৌশাগী ঈঙ- তপ্পা ফীভম হঞ্জিলহন্ননবা, থোক্লিবা হীঙশাগী ঈরাং অসী মতম চূপ্পগী ওইনা নমথনবা, অদুগা লো এন্দ ওর্দর মপূঙফানা মেন্টেন তৌদুনা থম্ননবা অকনবা থবকশিং পায়খৎলক্লি।মশীগী মখা তারকপা খোঙথোঙ অমদা হৌখিবা পূঙ ৩০ গী মতমসিদা ইম্ফাল নোংচূপ পানাগী লাঙ্গোল হাওসিং কমপ্লেক্স কি ক্বার্টর নম্বর টি এ/ ৪২ হায়রিবা, মী লৈনদ্রবা অহাঙবা ক্বার্টর অসিদগী য়াম্লবা খূৎশু- খূৎলায়শিং রিকোভর তৌখ্রে।
‘লম্ফেল পুলিস ষ্টেসনগী মনূঙচন্না লৈরিবা মফম অসিদগী কম্বাইন সেক্যুরিটি ফোর্সনা ফাগৎখ্র বা খূৎলায়শিং অদুদি – মরূ রাউন্দ ২০ লোদ তৌরবা মেগজিন অনীগা লোয়নরবা সেল্ফ লোদ্দিং রাইফল (এস এল আর) অনী, মরূ ২০ লোদ তৌরবা মেগজিন অনীগা লোয়নরবা ইন্সাস রাইফল অনী, মেগজিন য়াওদবা এস এম জি কার্বাইন অনী, বুল্লেট প্রূফ প্লেট নিপান, বুল্লেট প্রূফ (বি পি) ভেষ্ট তরেৎ, কেমোফ্লেজ পেন্ট ২৩, কেমোফ্লেজ ফূরীৎ ২০, কেমোফ্লেজ কেপ ১৬ অমসুং টেক্তিকেল ৱাইষ্ট বেল্ট ২২ ফংবা ঙমখি। লম্ফেল পুলিস ষ্টেসন্দা খূৎলায়শিং অদু শিন্নখিবগা লোয়ননা মখাতানা থিজিনবা হৌখ্রে।
You may also like
-
এম পি সি সিনা কুম্বিদা নোংমগী ওইবা পোলিটিকেল কনফরেন্স পাঙথোকখ্রে
-
আই দি পি নূপীমচা অমা শিরম্লে, চেন্নবনি হায়বা নূপা অমা ফাগৎখ্রে
-
ত্রোংলাউবি অৱাং লৈকায়দা কুকিনা কাপশীল্লকপদা পীক্লিবা মচীন-মনাউ অঙাং অনী শিরে
-
থা কাখিবা আর্টেমিস-২ , ঙসী মশাগী পন্থুংফম য়ৌরগনি
-
ময়াই কাবা দ্রগকি মায়োক্তা এম এস এফনা শীন্দুনা বাইক রেল্লি চৎখ্রে