চেতক স্ক্রিন এৱার্দস সিরেমোনিগী নোমিনেসন লিষ্ট ফোঙদোরকখ্রে

ইন্দিয়ন এক্সপ্রেস গ্ৰূপকি স্ক্রিন একাদেমিনা শীন্দুনা হন্দক এপ্রিল ৫ দা পাঙথোক্কদবা চেতক স্ক্রিন এৱার্দস সিরেমোনিগী ওইনা তোঙান তোঙানবা কেটাগোরি ৩১ গী নোমিনিশিং খনগত্তুনা লাউথোকখ্রে।
কুমশীং ২০২৫ গী খ্বাইদগী অফবা হীন্দী সিনেমা অমসুং ওভর-দি-টোপ (ও টি টি) ঊৎকনি হায়রি।অদিত্য ধারগী স্পাই থ্রীল্লর ধুরন্ধরনা নোমিনেসন ২৪ ফংদুনা খ্বাইদগী মশীং য়াম্বা নোমিনেসন ওইরি অদুগা মোহিট সুরিগী সয়ারা না নোমিনেসন ১৭ অমদি নিরজ ঘাইৱানগী হোমবাউন্দ না ১৫ ফংবা ঙমখ্রে।
কুমশিং ১৯৯৫ দা লিংখৎখিবা স্ক্রিন এৱার্দস অসি এটিটোরিয়ল ইন্টিগ্ৰিটিগা লোয়ননা স্ক্রিন একাদেমিনা গভর্ন তৌবা এৱার্দ মখল অমনি। একাদেমি অসী শক্নায়রবা ফীল্মমেকর,আর্টিষ্ট,অমদি কলচরদা লূপচরিবা মীওই ৫০ হেনবনা পূন্দুনা শেমখিবা, শেন্দোং তানবা নত্তবা, মনীং তম্বা বোদী অমনি। য়ুনিভর্সিটি ওফ সাউদর্ন কালিফোর্নিয়াগী স্কুল ওফ সিনেমাটিক আর্টসকি সিনেমা অমসুং মেদিয়া ষ্টদিজগী চ্যেরমেন ওইনা লৈরিবা প্রোফেসার প্রিয়া জাইকুমারনা একাদেমি মেম্বরশিংগীদমক দিটেল স্কোরিং রুব্রিক অমা শেমগৎখি।হৌখিবা চহী ২০ লোমগী মতমসিদা ঈহান হানবা ওইনা ফীল্ম এৱার্দস শো অমা লাইব ওইনা ব্রোদকাষ্ট তৌগদৌরিবনি।য়ুট্যুব কা অখন্ননা পার্টনর্সিপ লৌমিন্নরগা পাঙথোক্কদবা স্ক্রিন এৱার্দ অসী মালেমগী ভাবোকশিংদা অরায়বা মওংদা য়েংবা য়াহনগদৌরি। ইন্দিয়ন এক্সপ্রেস গ্ৰূপকি দিজিটেল-ফারষ্ট এপ্রোচ অদূগী লাইন দা পাঙথোক্কনি অদূগা শো অসী সোনি এন্টর্টেনমেন্ট টেলিভিজন অমসুং সোনি লাইবতসু লাইব ব্রোদকাষ্ট তৌগদবনি হায়রি।