তোঙান তোঙানবা অন- ওরগনাইজ সেক্তরদা থবক শুরিবা শিন্মিশিংগী খূৎশুমল হায়বদি মিনিমম ৱেজ রেট নৌনা হেঙ্গৎনবা সেন্টর লৈঙাক্না ৱারেপ লৌখ্রে। অনৌবা রিভাইস ৱেজ রেট অসী লাক্লিবা ওক্তোবর ১ দগী চৎনরগনি হায়রি। সেন্টরনা ভেরিয়েবল দ্যের্নেস এল্লাৱেন্স (ভি দি এ) রিভাইস তৌদুনা অনৌবা খূৎশুমল হেঙ্গৎহনবগী থৌওং অসী লৌখৎলকপনি হায়রি। অন- ওরগনাইজ সেক্তরশিংদা থবক শুরিবা শিন্মিশিংনা মতম অসীগী হেঙ্গৎলক্লিবা পোৎ- চৈগী মমলগা চান্নবা খূৎশুমল ফংদবগী খুদোংচাদবা, অৱাবা কয়া মায়োক্নরিবশিং অসী কোকহন্ননবা সেন্টরনা অনৌবা ৱেজ রেট অসী লাউথোরকখিবনি।
নোংমদা অন- স্কিল ৱার্কর অমনা লূপা ৭৮৩ নত্রগা থা অমদা লূপা ২০,৩৫৮ ফংলগনি। সেমি-স্কিল ৱার্করনা নোংমদা লূপা ৮৬৮ হায়বদি থা অমদা লূপা ২২,৫৬৮ , স্কিল অমসুং ক্লারিকেল ৱার্করনা নোংমদা লূপা ৯৫৪ হায়বদি থা অমদা লূপা ২৪,৮০৪ ফংলগনি। কা হেন্না হৈ-শিংলবা, নীংথীনা ট্রেন তৌদুনা থবক শূবা হৈরবা শিন্মি অমগী খূৎশুমল নোংমদা লূপা ১,০৩৫ নত্রগা থা অমদা লূপা ২৬,৯১০ ফংলগনি হায়রি।
চহী অসীগী ওইনা হৌখিবা এপ্রিল থাদা অনৌবা ৱেজ রেট শেমদুনা শিন্মিশিংগী খূৎশুমল হেঙ্গৎহনখ্রবা মতূংদা হন্দক্কি অসীনা অনীরক শুবা ৱেজ রেট এদজষ্টমেন্টনি। ভি দি এ অসী সেন্টর লৈঙাক্না চহী অনী খূদিংগী রিভাইস তৌবনি। অনীশুবা চহী খূদিংগী এপ্রিল অমসুং ওক্তোবর থাদা অনীরক থোক্না রিভাইস তৌদুনা খূৎশুমল হেঙ্গৎহল্লিবনি। অতৈ শিন্মি মখলশিংগীসু চিফ লেবর কম্মিস্নার (সেন্ট্রেল) গীclc.gov.in হায়রিবা ৱেবসাইট অসীদগী খঙবা য়াগনি হায়রি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর