ট্রোংলাউবিদা কুকি মিলিটেন্টশিংনা অহীঙদা বোম কাপশীন্দূনা নৌরিবা অঙাং অনী হাৎখিবা অমসুং মখোয়গী অপোকপী মমাবু শোকহনখিবা লোয়ননা মদূগী মতূঙ তারকপা মীয়ামগী ঈহৌদা সি আর পি এফকি নোংমৈনা পান্দুনা মীওই ৩০ রোম শোক্তুনা লায়কন্নরিঙৈ চৈরক্তা মীওই অহুম লৈখিদবা অদূগী মতূঙদা সেক্যুরিটি ফোর্সনা অকনবা মওংদা ওপরেসন চত্থরকপগী মনূঙ চন্না য়ুনাইটেদ কুকি নেস্নেল আর্মী (য়ু কে এন এ) গী কাদর অহুম ফাগৎপা ঙমখ্রে।
মখোয় অহুম্মক চুরাচান্দপুর দিষ্ট্রিক্টকি মফম অমদগী ফাগৎখিবনি। নাকল অমরোমদা, ঙরাং চিফ মিনিষ্টর য়ূম্নাম খেমচান্দনা চ্যের লৌদুনা কম্বাইন্দ হেদক্বার্টর্স সেক্যুরিটি ( য়ুনিফাইদ কম্মান্দ) গী মীফম অমা চিফ মিনিষ্টরগী সেক্রেটরিয়েত্তা পাঙথোকখিবগা লোয়ননা হৌজিক মনিপুরদা মায়োক্নরিবা লো এন্দ ওর্দরগী ফীভমশিং য়াম্না কূপ্না খন্ন-নৈনখ্রে।
মীফম অদুদা সেক্যুরিটি এদভাইজর কুলদিপ সিংহ, চিফ সেক্রেটরি দা. পুনিট কুমার গোয়ল, থ্রী কোরগী কম্মান্দর, আর্মী, আসাম রাইফল্স, বি এস এফ, এস এস বি, সি আর পি এফ, আই টি বি পি গী মকোকথোংবা ওফিসিয়লশিংসু শরুক য়াখি।
You may also like
-
কোকোমিনা লুচিংবা মীয়াম্না চিফ মিনিষ্টর বাংলোদা থোমজীল্লকপদা এস এফকা মূক্নখ্রে
-
বাংলাদেশতা পাঙথোকপা লাই হরাওবা থৌরমদা মনিপুরগী টিম অমা শরুক য়ারি
-
বোম থমজিল্লম্বগী মায়োক্তা মীয়াম্না ৱাকৎ -মীফম পাঙথোক্তুনা য়ানীংদবা ফোঙদোকখ্রে
-
মৈতৈ-পাঙলগী সি এস ওশিংনা মিনুথোং হত্তাগী লম্বী থিংদুনা ট্রোংলাউবী থৌদোকপু কন্না য়ানিংদবা ঊৎখ্রে
-
জে এ সি শেমখ্রে,ষ্টেট ফোর্স ওইনা থম্ননবা দিমান্দ তৌখ্রে