হৌখিবা মে ৩১ দা ইম্ফাল দিমাপুর লম্বীগী নাগালেন্দ ষ্টেটকি কোহিমা দিষ্ট্রিক্ট মনূঙচন্না লৈরিবা ফেসামা এরিয়াদা নেস্নেল হায়ৱেগী শরুক নমথখিবদগী লম্বী ফাওনবা ঙমদনা লৈরকলি। চীঙ নীঙখায়খিবা থৌদোক অদূনা মরম ওইরগা ইম্ফাল তম্না মাল পুরগা লাকখিবা ট্রক কয়ামরুম মফম অদুদা পন্থরগা লৈরকখিবনি। মনিপুর দ্রাইভর্স এসোসিয়েসন অমসুং মশীগা পূন্না চৎমিন্নরিবা তোঙান তোঙানবা ট্রক দ্রাইভর অমসুং ওনর য়ুনিয়ন শিংনা অমত্তা ওইনা খূৎশম্নদুনা হৌজিক পন্থদুনা লৈরিবা ট্রক অমসুং মাল পীক থন্না য়াওরিবা গারিশিং অদূ ইম্ফাল দা অথূবা মতমদা পুথোরকপা য়াননবা বাইপাস রোদ অমা শেম্বা হৌখ্রে।
লম্বী অসী কোহিমাগী কিদিমিদগী মাও-টদূবিফাওবা য়ৌরক্কদবনি। বাইপাস রোদ অদূ শেম্নবগীদমক এক্সকাভেটর অমা, রিকোভরি ভেন অমা, পূঙ ২৪ চূপ্না মথৌ পাঙথোক্কদবা এম্বুলেন্স ৩ সেকমাইদা লৈবা মনিপুর দ্রাইভর্স এসোসিয়েসনগী ওফিসতগী পুখ্রবা মতূঙদা পাইপাস লম্বী শেম্বগী থবক্তা শীজীন্নরি।
থবক অসিদা মনিপুর গোরখা মোটোর ৱার্কর ৱেলফ্যের য়ুনিয়ন, সেনাপটি দিষ্ট্রিক্ট ট্রক ওনর এসোসিয়েসন, সেনাপটি দিষ্ট্রিক্ট ট্রক দ্রাইভর্স য়ুনিয়ন নচিংবা কয়ানা মতেং পাংলি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর