চহী শুদনা য়ূম পানবা হায়বদি লব জিহাদ অমসুং নূপী অনী লোনবগী চৎনবী মপূঙফানা মূত্থৎননবা আসাম লৈঙাক্না বিল অমা পুথোক্তুনা পাস তৌননবা থৌরাং তৌরি।লাক্লিবা নবেম্বর থাগী ২৫ দা অসাম লেজিসলেটিব এসেমব্লিগী মীফমদা বিল অদূ পুথোক্কদৌরি। মসীগী মতূঙ ইন্না নূপী অনী লোনবা মীওইশিং চহী তরেৎফাওবা জেলদা নমশীন্ননবা ৱাফম য়াওরি।
হীরম অসীগী মতাঙদা ষ্টেট অদূগী চিফ মিনিষ্টর হিমন্ত বিশ্বা শর্মনা হায়, নূপীশিংদা হেন্না মনীঙতম্না, চৎনীঙবা মফমদা চৎচদুনা মশাগী অপাম্বা থবকশিং চিংনবা লৈতনা পাঙথোকচবা ঙমহন্ননবা পান্দমদা ষ্টেট লৈঙাক্না অখন্নবা বিল অসী পাস তৌননবা থৌরাং তৌবনি। চহী খরগী মমাঙদদি নূপীশিংদা চত্থরকপা ক্রাইমগী থৌদোকশিং লাখ ১.৫ রোম ওইরম্বদগী ষ্টেট লৈঙাক্না হোৎনরকপগী ফল ওইনা হৌখিবা চহী ৪/৫ গী মতমসিদা অসীগুম্বা মখলগী ক্রাইমশিং থোকপগী চাং শীংথানিঙায় ওইবা চাংদা হন্থখ্রে।
নূপীশিংদা চত্থরকপা ক্রাইমগী মশীং শুপ্নগী লিশিং ৪০ রোমদমক মতম অসীগী মনূংদা থেংনখি হায়না মহাক্না ফোঙদোকখি।লাক্লিবা নবেম্বর ২৫ দা পুথোক্কদৌরিবা বিল অসীনা আসামগী নূপীশিংদা অনৌবা পুন্সি, য়াইফরবা অনৌবা মপোক অমগা পাঙ্খক ওইরবা পুন্সিরোল অমা ফংহল্লগনি হায়না সিলচরদা লৈরিবা পুলিস পেরেদ গ্ৰাউন্দা পাঙথোকখিবা থৌরম অমদা ৱাফম কয়া ফোঙদোক্লদুনা চিফ মিনিষ্টরনা মীয়াম্না খঙহনখিবনি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে