এয়রতেল, বজাজ ফাইনান্সনা কম্প্রিহেন্সিব দিজিতেল ফাইনান্সিএল সর্ভিসেস প্লেৎফোর্মগীদমক থৌরাংশিং হৌদোকখ্রে

ইম্ফাল: ভারতী এয়রতেল অমসুং বজাজ ফাইনান্সনা ফাইনান্সিএল সর্ভিসশিংগীদমক ভারতকী খ্বাইদগী চাউবা দিজিতেল প্লেৎফোর্ম অমা শেম্নবগীদমক স্ত্রেতেজিক পার্তনরশিপ অমা শেম্নবা লাউথোকখ্রে। ফাইনান্সিএল সর্ভিসশিংগী লাস্ত-মাইল দেলিভরীদা অওনবা পুরক্নবা অমসুং লৈবাক শিনবা থুংনা দিজিতেল ইনক্লুজন প্রমোৎ তৌনবা পান্দম থম্মিবা চুংশিন্নবা অসিনা এয়রতেলগী কস্তমর মিলিয়ন ৩৭৫দা বজাজ ফাইনান্সকী তোঙান-তোঙানবা ফাইনান্সিএল প্রদক্ত ২৭গী পাক-শন্না এক্সেস ফংহল্লগনি।

এয়রতেলনা বজাজ ফাইনান্সকী পোৎলমশিং অসি মাগী এয়রতেল থেঙ্কস এপতা পুশিন্দুনা মসিনা ইয়র-এন্দ ফাওবদা প্রদক্ত ১০ ফাওবগী ওফরিংদা পাকথোক চাউথোক্নবা থৌরাংশিংগা লোয়ননা কস্তমরশিংদা পর্সনেল লোন, বিজিনেস লোন অমসুং গোল্দ লোনগুম্বা ফাইনান্সিএল সর্ভিসশিংগীদমক এপ্লাই তৌবা য়াহল্লগনি। চহি অসিগী অরোইবা ফাওবদা পোৎলম ১০ পুথোক্নবা থৌরাং তৌরি। পার্তনরশিপ অসিনা এয়রতেলগী পাক চাউবা দিজিতেল ইকোসিস্তেমগা বজাজ ফাইনান্সকী মপাঙ্গল লৈবা অন্দররাইতিং কেপাবিলিতীশিংবু পুনশিন্নদুনা অনি অসিনা ভারতকী ফাইনান্সিএল মার্কেতকী অচৌবা শেয়র অমা লৌনবগীদমক মফম অমা কনবা ঙম্লে।

পার্তনরশিপ অসিনা ফাইনান্সিএল ইনক্লুজন হেনগৎহন্নবা অচৌবা পোতেন্সিএল অমা লৈরি। এয়রতেলগী পাক শন্না লৈরিবা প্রজেন্স অমসুং বজাজ ফাইনান্সকী মশাগী ওইবা ফাইনান্সিএল সোলুসনশিংগা লোয়ননা মরুওইবা ফাইনান্সিএল সর্ভিসশিং লায়না ফংহনবা ঙমগনি। এয়রতেল থেঙ্কস এপ নৎত্রগা লোকেল এয়রতেল স্তোরশিংগী খুত্থাংদা ওইরবসু, থৌরাং অসিনা লমদম অসিদা, মরু ওইনা অরাপ্পা মফমশিংদা, ফাইনান্সিএল প্রদক্তশিং থিরিবা কস্তমরশিংগী মরক্তা লৈরিবা খেন্নবা অদু কোকহনগনি।