লাক্কদৌরিবা এসেমব্লি মীখল অসিদা ৱাংজিং-তেন্থা কেন্দ্রদা লৈরিবা, মীরেপ ওইগদবশিংনা ভোটরশিংগী মীৎয়েং চিংশিন্নবা হোৎনদুনা শেল পীদুনা ৱাশকহনবা, চাকচা-হৈজানবা অমত্তা য়ারোই, ফ্রী এন্দ ফ্যের ওইবা মীখল অমা ওইহন্দবা য়াদে হায়না য়ূথ ওফ খোংজোম সার্কল না ফোঙদোকখ্রে।
ঙরাং থৌবাল দিষ্ট্রিক্টকি মনূঙচন্না লৈরিবা তেকচমদা পাঙথোকখিবা পাউমীশিংগা উনখিবা থৌরম অমদা লূপ অসীগী ওর্গানাইজেসন সেক্রেটরি সাপম দিয়ানা হায়, মনিপুর লৈঙাক্না লমদম অসীগী নূপী লাখ ৩.৫ গী লূপা অপূনবা শেনফম লূপা ক্রোর ৩৫০ কাইথোক্লে, শেন্থোক লম্বী পীননবা হোৎনরগনি হায়খ্রবসু সোসিয়েল ৱেলফ্যের দিপার্টমেন্টকি মায়কৈদগী শেনফম অদূ করম্বা ক্রাইটেরিয়াদা, করম্বা শিনফমশিং পায়খৎনবা পীগদৌরিবনো, লন্নাই মীওই নত্রগা গ্ৰূপ তা পীগদবরা হায়বনচিংবা অকূপ্পা ৱাফম মীয়ামদা ঙসী ফাওবা ফোঙদোকপা লৈত্রি।
লমদমসিগী নুপীশিংদা কান্নবা অমত্তা ফংহন্দনা লৈরিবসি লৈঙাক্না মীয়ামদা খঙহনফম থোকই হায়খি।
সিট্টিং এম এল এশিং না অচৌবা শেনফম অদূ শায়েন-ঙায়েন্নরগা মীখল অসীদা মীৎয়েং থম্লগা সেল্ফ হেল্প গ্ৰূপ খরদা সার্কল এম এল এ গী লন্নাই শেনফমদগী মতেঙ পাংলিবনি হায়না শন্দোরকপা য়াবগী মওংসু উবা ফংলি হায়না দিয়া না ফোঙদোকখি।
হন্দক্কি মীখল অসিদি মনিপুরবু কনগদবা মীহূৎশিং মায় পাকহনগদবা মতমদু ওইববনিনা মীয়াম্না চেকশিনফম থোকই হায়না মহাক্না ফোঙদোকখি।
You may also like
-
এম এল এ থোঙাম বিশ্বজিৎনা এন আর সি শৌগৎপগী খূৎয়েক পীরকখ্রে
-
দিৱার্মিং দেগী অনীশুবা রাউন্দ হৌদোকখ্রে
-
দিজিটেল পেমেন্ট দা অমাঙবা থোক্তনবা এন পি সি আইনা সেফ্টি টিপ পীরক্লি
-
মায় পাক্কে হায়রবদি পূকচেল শেংবা, মীনুংশি খঙবা মথৌ তাই: চিফ মিনিষ্টর
-
চাক্কৌবগী দখিনা পীবদা হিদান্নরগুমসি, ঈরমদমগী পোৎলম্না দখিনা পীরসি: জয়