চিফ ইলেক্সন কম্মিস্নার গ্যানেস কুমারনা স্পেসিয়েল ইন্টেন্সিভ রিভিজন (এস আই আর) অমসুং ইলেক্টোরেল রোল মেনেজমেন্ট গা মরী লৈননা অরানবা ৱারেপ লৌখি হায়না কন্না য়ানিংদবা ফোঙদোক্তুনা ঙরাং ইম্ফালগী বি টি রোদতা লৈরিবা কংগ্ৰেস ভবন্দগী হৌরগা অচৌবা প্রোটেষ্ট রেল্লি অমা চৎখ্রে।
মনিপুর প্রদেশ কংগ্রেস কম্মিটি (এম পি সি সি) না শীন্দুনা চৎখিবা রেল্লি অদুদা কংগ্ৰেস পার্টীগী তোঙান তোঙানবা সবসিদিয়ারি ওর্গানাইজেসনশিংগী লুচিংবা অমসুং থৌমীশিংসু শরূক য়াখি। বি জে পিনা ভোৎ চোর তৌই, মীয়ামগী দেমোক্রেটিক রাইট মৎনবা হোৎনরিবা ই সি আইগী চিফ ইলেক্সন কম্মিস্নার খূদক্তা মফম লৌথোক্কদবনি, মহাকপু ফাগত্তুনা আইনগী চৈরাক পীয়ূ হায়বা দিমান্দশিং তকশীন্দুনা চৎখিবা প্রোটেষ্ট রেল্লি অদূ মনিপুরগী চিফ ইলেক্টোরেল ওফিসার (সি ই ও) গী ওফিস কমপ্লেক্স তম্না চঙশীন্দুনা অকনবা খোল্লাউ কয়া লাউখি।
হান্না মনিপুরগী চিফ মিনিষ্টর ওইরম্বা ওক্রম ইবোবি, এ আই সি সি মেম্বর অমসুং মনিপুরগী হান্নগী দিপ্যুটি চিফ মিনিষ্টর গাইখাঙম, এম এল এ রঞ্জিৎ, এম এল এ সুর্জকুমার ওক্রম, হান্নগী লোক সভাগী এম পি দা. টি মৈন্য, হান্না পাৎশোয় কেন্দ্রগী এম এল এ ওইরম্বি কুমারি এ কে মিরাবাই নচিংবা খোঙচৎ অদূদা শরুক য়াখি।
You may also like
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে
-
সূ কেদরশিংগী মথক্তা পাক-সন্না ওপরেসন চত্থনবা বিরেন্না গভর্নরদা তকশীনখ্রে