রিজনেল ইন্সটিট্যুট ওফ মেদিকেল সাইন্সেস (রিম্স) অসী ওল ইন্দিয়া ইন্সটিট্যুট ওফ মেদিকেল সাইন্সেস (এইম্স) কি থাক্তা অপগ্ৰেদ তৌনবগী অয়াবা পীরক্লে হায়না মনিপুরগী রাজ্য সভা এম পি অধিকারিময়ূম সর্দা দেবী না ফোঙদোকখ্রে।
রিম্সনা চহী ৫৫ মপূঙ ফারকপগী ফাউন্দেসন দেগী থৌরম অমা ঙরাং হোস্পিটাল অসীগী জুবিলি হোলদা পাঙথোকখিবগা লোয়ননা অথোয়বা মীথূঙলেন ওইনা শরূক য়াখিবা এম পিনা ৱাফম অসী ফোঙদোকখিবনি। মহাক্না য়ুনিয়ন হেল্থ মিনিষ্টরগা হন্দক উনদুনা ৱারী শানরুবদা অয়াবা অদূ পীরকখিবনি হায়খি। রিম্সকি দিরেক্তর প্রোফেসার জি সুনিল কুমার শর্মা, হোস্পিটাল অসীগী মেদিকেল সুপরিন্টেন্দেন্ট প্রোফেসার এন সঞ্জিব অমদি হোস্পিটাল অসীগী তোঙান তোঙানবা দিপার্তমেন্তশিংগী মকোকথোংবা ওফিসিয়েল কয়া শরূক য়াখিবা থৌরমদুদা মেদিকেল ইন্সটিট্যুট অসীগী তোঙান তোঙানবা ইগজামিনেসনশিংদা মকোক-মথঙ তারকখ্রবা মহৈরোয়শিংদা সার্টিফিকেট অমসুং মেমেনটো পীদূনা ঈকায় খুম্নবা ঊৎখি।
রেমিদি হায়না মিংথোনবা রিম্সকি চহীগী মেগাজীন অমসু থৌরম অদূদা রিলিজ তৌখি।
এম পিনা মখা তানা হায়, লায়েঙশঙ হায়বসি দাক্তর, নর্সশিংগীদি লাইশঙনি। লায়েঙবা লাক্লিবা অনাবা মীওইশিংবু থওইদবা, তাথী-তাওইনা তৌরোইদবনি। য়ুনিয়ন হেলথ মিনিষ্টর জে পি নাদ্দাগা উনবদা রিম্স অসী এইম্সকি থাক্তা পুখৎপগী মতাঙদা অয়াবা পীরকখ্রে হায়বা ৱাফম সর্দানা থমখি।
You may also like
-
কন্ট্রেক্টতা লৈরিবা ষ্টাফশিংনা অরানবা পাম্বৈনা রিগ্যুলর তানবা হোৎনবা য়ারোই : চিফ মিনিষ্টর
-
ইকো নেটৱার্ককি থৌমীশিংনা শীৎ-শেংবগী থবক চত্থখ্রে
-
জিরিবামদা য়ূম খরা মৈ থারম্লে
-
খনগৎলবা প্লেয়র মহৈরোয়শিং ইন্টর্নেস্নেল টুর্নামেন্ট দা শরূক য়ারুনবগীদমক ইম্ফাল থাদোকখ্রে
-
জোমি কাঙলূপ্না “কুকি-জো সূ গ্ৰূপ” হায়বামিংথোল পামদে হায়না ক্লেইম তৌরক্লে