মেদিকেল এন্দ হেল্থ দিপার্টমেন্ট য়াওনা অতৈ দিপার্টমেন্ট খূদীংমক্তা কন্ট্রেক্টতা থবক তৌরিবা এমপ্লোয়িশিংনা শেঞ্জা-থুমজা তৌদুনা অরানবা পাম্বৈ শীজীন্নরগা রেগ্যুলর তানবা হোৎনরবদি কৈদৌনুংদা ঙাকপীরোই, থৌওং অসী খূদক্তা লেপকদবনি হায়না চিফ মিনিষ্টর য়ূম্নাম খেমচান্দনা মরী লৈনবশিংদা অকনবা ৱার্নিং তৌখ্রে।
জৱাহরলাল নেহরু ইন্সটিট্যুট ওফ মেদিকেল সাইন্সেস জেনিম্স কি প্রোজেক্ট কয়ামরুম শঙ্গাখিবগা লোয়ননা অনৌবা প্রোজেক্তশিং পায়খৎনবা উরেপ উয়ুং তম্বগী থৌরম অমা ঙরাং পোরোম্পাৎতা লৈরিবা জেনিম্স হোস্পিটাল কমপ্লেক্সতা পাঙথোকখিবদা চিফ মিনিষ্টরনা ৱাফম অসী ফোঙদোকখিবনি। শঙ্গাখিবা প্রোজেক্টশিংগী মনূঙদা, লূপা লাখ ১৯ চঙনা শেমগৎপা মল্টিপরপজ জিম, লূপা লাখ ৪০ পীদুনা লৈখিবা ওটো ক্লেব মেছিন, ক্রোর ৪ পীবা সি-আর্ম দিজিটেল আর-৯০ , দিজিটেল রেদিওলোজি, লিক্বিদ মেদিকেল ওক্সিজেন প্লান্টনচিংবনি।
কোল্লেজ ওফ নর্সীং শানবগী উরেপ উয়ুংসু চিফ মিনিষ্টরনা তমখি। কোবিদ+১৯ গী লাইচৎনা মীয়াম খম থেংনা ৱানরবা মতমদা লৈঙাক্না নর্স ২০০ হেন্না কন্ট্রেক্ট বেসিস তা লৌশীনখি। হেল্থ দিপার্টমেন্টকি দোক্তর অমদি নর্সশিংনা মতমদুদা মীয়ামগী পুন্সি কন্ননবা লৌখীবা থৌদাং শীঙথানিঙায়নি।
You may also like
-
রিম্স অসী এইম্সকী থাক্তা অপগ্ৰেদ তৌনবগী অয়াবা পীরক্লে: সর্দা
-
ইকো নেটৱার্ককি থৌমীশিংনা শীৎ-শেংবগী থবক চত্থখ্রে
-
জিরিবামদা য়ূম খরা মৈ থারম্লে
-
খনগৎলবা প্লেয়র মহৈরোয়শিং ইন্টর্নেস্নেল টুর্নামেন্ট দা শরূক য়ারুনবগীদমক ইম্ফাল থাদোকখ্রে
-
জোমি কাঙলূপ্না “কুকি-জো সূ গ্ৰূপ” হায়বামিংথোল পামদে হায়না ক্লেইম তৌরক্লে