অরম্বাই তেঙ্গোল (এ তি) জেনরেল হেদক্বার্তর অমদি মসীগী লূচীঙপুরেল কোরৌঙানবা খূমনগী অপূনবা মীৎয়েঙ মখাদা ককচীঙ দিষ্ট্রিক্ট মনূঙচন্না লৈরিবা এ তি য়ুনিট ১৩ গী তেঙ্গোল্লোয় ১৫০ হেনবনা শরুক য়ারদুনা নোংমগী ওইবা ব্লদ দোনেসন কম এৱ্যের্নেস কেম্প অমা ঙরাং পাঙথোকখ্রে।
রিজনেল ইন্সটিট্যুট ওফ মেদিকেল সাইন্সেস রিম্স কি দিপার্টমেন্ট ওফ ব্লদ ট্রান্সফ্যুজন মেদিসিনগা খূৎশম্নদুনা পাঙথোকখিবা নোংমগী ওইবা প্রোগ্ৰাম অদূ ককচীঙ দিষ্ট্রিক্ট মনূঙচন্না লৈরিবা ককচীং মখা লৈকায়গী নাউদম কম্যুনিটি হোলদা ঙরাং পাঙথোকখিবনি। অরম্বাই তেঙ্গোলনা থা খূদিংগী চাং নাইনা অসীগুম্বা লেম্না ঈ পীবগী থৌরম অসী “অথৌবশিংগী মফমদা কত্থোক্লবা ঈ” হায়না খঙনরিবনি।
ককচীং দিষ্ট্রিক্ট অরম্বাই তেঙ্গোলগী পব্লিক রিলেসন্স ওফিসার ওইনা লৈরিবা বোবো হুইদ্রোম না থৌরম অদুদা ফোঙদোকখিবা মতূঙ ইন্না, ঈ পীবা নত্রগা দান তৌবগী থৌরমশিং এ টিনা চাং নাইনা পাঙথোক্লিবা অসী মনিপুরদা লৈরিবা য়েলহৌমী কাঙলূপশিংগী মরক্তগী লৈতা-লায়রবা কনাগুম্বা মীওইশিংনা অনা-অয়েক য়াওরকপদা ঈগী মথৌ তারকপা মতমদা মখোয়গী তঙায়ফদবা ঈ অদূ লেম্না ফংহনবা ঙম্ননবা, মীওইবগী পুন্সি কন্ননবা পান্দমদা পাঙথোকপনি। এ টিনা অতৈ অতোপ্পা মমল য়াম্বা খূদোল মীয়ামদা তম্বা ঙমদ্রবসু ঈ হায়রিবা, মীওইবগী হিংবদা তঙায়ফদনা চঙদবা য়াদ্রবা পোৎশক অসীমদি মতেং পাংজবা ঙম্ননবা থৌরাং অসী লৌখৎলকপনি হায়খি।
You may also like
-
নাগাশিংনা ফাগৎপিয়ু হায়না খূৎ থিন্দুনা লাকখিবা পুলিস কন্সটেবলগী মথক্তা ইনক্বারি চত্থবা হৌখ্রে, সস্পেন্দ তৌখ্রে
-
ষ্টেট সোং মীয়াম্না শক্নবগী প্রোটোকোল অমা শেম্বিয়ু: সুসিন্দ্রো
-
মীয়াম্না মতৌ করম্না খোঙজঙ চঙশীনগদগে হায়বদু লৈঙাক অসীনা লাউথোকপিরো: ঈমাগী মৈরা
-
নাগা-কুকিগী ঈরাং লেপহন্নবা অখন্নবা থৌশিল পায়খৎনবা ঐচ আর দব্লিয়ুনা খঙহল্লকখ্রে
-
লৈলোন ৱাইফৈ মীহাত্তা চেন্নবনি হায়বা মীওই ৪ গী মথক্তা এন আই এনা ইনভেষ্টিগেসন চত্থরি: গোবিন্দাস