মরম চাদনা মীয়ামগী চৎনরিবা লম্বীদা বন্দ নচিংবা তৌদুনা মীয়ামগী চত্থোক-চৎশীন্দা অকায়বা পীবা, নেস্নেল হায়ৱে শিংদা লাকপা মীওইশিং, গারি নচিংবদা অকায়-অতোয় থোকহনবা, পব্লিক প্রোপর্টিশিংদা অমাঙ-অতা থোকহনবা, মী অমসুং পোৎ-চৈ পুরকপা গারিশিংদা অপনবা পীবা মীওই অমদি লূপশিংগী মথক্তা হেন্না অকনবা মীৎয়েঙ চঙদুনা আইনগী ওইবা এক্সন লৌখৎননবা ঙরাং মনিপুর লৈঙাক্কি কম্মিস্নার কম সেক্রেটরি এন আশোক কুমারনা অনৌবা ওর্দর অমা থোকখ্রে।
নেস্নেল হায়ৱেশিং অমদি অতৈ লম্বীশিংদা অথিংবা পীরকপা মীওই অমদি লূপশিংগী মথক্তা অকনবা এক্সন লৌখৎলু হায়না মথক থোংবা অথোরিটিগী মায়কৈদগী খঙহল্লকখিবসু লৈরবনি হায়না আশোক কুমারগী ওর্দর অসীদা ময়েক শেংনা পল্লি। হীরম অসীগী মতাঙদা খূদক্তা থবক লৌখৎনবা মরী লৈনবা দিপ্যুটি কম্মিস্নারশিং, দিষ্ট্রিক্ট পুলিস অথোরিটি অমসুং অতৈ লো এনফোর্সমেন্ট এজেন্সিশিংদা ইন্সট্রক্সন পীখ্রেসু হায়রক্লি।
নেস্নেল হায়ৱে থিংজিনবা হায়বসি নেস্নেল হায়ৱে এক্ট ১৯৫৬ কি প্রোভিজনশিংগী মায়োক্তা লৈবনি। মরম চাদনা কনাগুম্বা মীওইশিংনা মসীদা অথিংবা পীরক্লবদি চহী মঙা জেলদা থম্বগা লোয়ননা ফাইন থীহনবসু য়াই হায়রি।
You may also like
-
টাটা কন্সল্টেন্সি সার্বিসেসনা টি সি এস রুরেল আই টি ক্বিজগী ২৭ শুবা এদিসন লোঞ্চ তৌখ্রে
-
মণিপুর ইরাং ২০২৩ দগী হৌনা মীওই ৩০৬ সিখ্রে, ৪৯ মাংখিবা লৈরি
-
মহৈরোয়শিং মহৈ তম্বা য়াননবা ওর্দিনান্স পুথোক্ট্রবদি হেন্না অকনবা খোঙজঙ চঙশীল্লগনি: ষ্টূদেন্টস য়ুনিয়ন
-
নম্বুল লাইন্দা মতম খরা মৈ মূৎকদৌরি
-
ব্রাউন্দ সুগরগা কোন্ননা মীওই অমা ফাগৎপা ঙমখ্রে