ঙরাং অয়ূক পূঙ নিপাল তাবা মতমদা থৌবাল দিষ্ট্রিক্ট কি মনূঙ চন্না লৈবা লমদিং ৱাটর সপ্লাইগী ৱাটর ইন্টেক পোইন্ট মনাক, ৱাংজিং তুরেলদা শাথীনা দিকম্পোজ তৌদুনা পত্থ-পুমথরবা নূপীগী হকচাং অমা ফংখ্রে।
হকচাং অদূ হৈরোক পুলিস ষ্টেসনগী মনূঙ চনবা হৈরোক পার্ট টু ময়ায় লৈকায়দগী খূন্দোংবম বিধূমুখি (৬০) কৌবা নূপী অমনি হায়না ঈমূঙ-মনূঙগী মীওইশিংনা মশক তাকখ্রে। মহাক হৌখিবা জুলাই ২২ দগী মফম খঙদনা মাঙখিবনি হায়না ঈমূঙগী মীওইশিংনা ফোঙদোকখি হায়রি।
বিধুমুখি অসী লিভর অমসুং হার্টকি অনাবা লৈবনি হায়রি। মহাক হঞ্জিল্লক্তবগা মরী লৈননা হৌখিবা জুলাই ২৪ দা মিসীং রিপোর্ট অমা হৈরোক পুলিস ষ্টেসন্দা থাঙ্গৎপসু লৈখ্রবনি হায়না ঈমূঙগী মীওইশিংনা ফোঙদোকখি।
