দেমোক্রেটিক ষ্টূদেন্টস এল্লাইন্স ওফ মনিপুর (দেসাম)গী থৌমীশিংনা ঙরাং অকক্নবা পাউগী লীখূল অমদা য়ূম্ফম ওইরগা ইম্ফাল ইন্টর্নেস্নেল এয়রপোর্টতা চত্থখিবা অখন্নবা দ্রাইব অমদা য়াম্লবা ফোরেন লিকরশিং য়াওরবা লগ্গেজ ৬০ ফাগৎপা ঙমখ্রে, অদুগা নিষাগী পোৎলমশিং অদূ পুরকপা মীওই ১০ সু মফম অদুমক্তদগী লিকরশিং অদূগা কোন্ননা ফাগৎপা ঙমখ্রে।
ফাগৎলবা পোৎলমশিং অদুগা কোন্ননা মীওই ১০ দু মখাতাবা আইনগী থবক লৌখৎনবা মরী লৈনবা পুলিস অথোরিটিদা শিন্নখ্রে। য়াম্লবা ফোরেন লিকরশিং অদূ দিল্লিদগী ইম্ফালদা পুরকখিবনি।
পোৎলমশিং অদূ পুরক্কদৌরে হায়বা অকক্নবা পাউ অমা ফংবদগী মশীং য়াম্লবা দেসামগী থৌমীশিংনা ইম্ফাল ইন্টর্নেস্নেল এয়রপোর্টতা ঙাইদুনা লৈখি। পোৎলমশিং অদূ য়াওরক্লগনি হায়রিবা ইন্দিগো ফ্লাইট অদূ মতমদুদা ইম্ফাল এয়রপোর্টতা থুংলখি। ফ্লাইট অদুদগী কূমথরকপা পেসেঞ্জর পূম্নমক্কি লগ্গেজ ময়ামদু মথঙ মথঙ চেক তৌবা মতমদা ফোরেন লিকর য়াওরবা লগ্গেজ ৬০ অদূ দিটেক্ট তৌবা ঙমখিবনি হায়রি।
মনিপুরদা লিকর প্রোহিবিসন এক্ট পাস তৌখিবদগী ঙসীদি লমদম অসী দ্রগ অমদি ফোরেন লিকরগী অচৌবা মফম অমা ওইরক্লি হায়না দেসামগী থৌমীশিংনা কন্না নুংনাংবা ফোঙদোকখি।
You may also like
-
বোম লংশিল্লম্বগী মায়োক্তা মীয়াম্না অকনবা প্রোটেষ্ট চত্থখ্রে
-
ৱাহোং রেদিওগী মপোক-কুম্মোন থৌরম পাঙথোকখ্রে
-
খূরায়দা বোম লংশিল্লম্বগী মায়োক্তা মীয়াম্না অকনবা প্রোটেষ্ট চত্থখ্রে
-
এন আর সি থবক্তা ওন্থোক্তুনা মীতোপ খন্দোক্ট্রিঙৈদা সেন্সস তৌবা য়ারোই: জে এফ দি
-
কম্মনৱেল্থ গেম্সতা গোল্ড লৌরকখ্রবা মনিপুরগী ৱেথলিফ্টর মিরাবাই চনূদা লূপা লাখ ৩০ খূৎশীন্নখ্রে