ইম্ফাল ইষ্ট দিষ্ট্রিক্টকি খূরায় এসেমব্লি কনস্তিত্যুএন্সিগী মনূঙচন্না লৈরিবা খূরায় শাজোর লৈকায় চাইথবী লৈরক্তা লৈবা বাচস্পটিময়ূম নন্দিনি (৮৪), মপূরোইবগী মিংনা লৈখিদ্রবা য়াইস্কুল, হায়রিবা অহল ওইরবী নূপী অসীগী য়ূমদা শকখঙদবশিংনা বোম লংশিন্দুনা পোকখায়হনখ্রে।
বোম অদূ য়ূমগী বাথ রুমদা তাশিন্দুনা পোকখায়খিবদগী অশোক-অপন্দি অমত্তা য়াওহৌদ্রে হায়রি। থৌওং অদূবু য়ানিংদবা ফোঙদোক্তুনা লৈকায়গী মৈরা পায়বী ঈমাশিংনা ৱাকৎ মীফম চত্থখ্রে। য়ূম্লক্তা বোম পোকখায়হন্দুনা মীচমশিংদা অকি-অখং নংহল্লিবা অসীগুম্বা মীফত্ত-মিতম্বালশিংগী থৌওং অসি য়াম্না পাঙদবগী মতৌনি হায়না ফোঙদোক্নখিবগা লোয়ননা মতুঙদা অসীগুম্বা অকি-অখং নংহনবগী থৌওং অমূক হন্না চত্থবিগনু হায়না ৱাকৎলোয়শিং অদুনা কন্না য়ানিংদবা ফোঙদোকখি।
নাকল অমরোমদা, সেক্যুরিটি ফোর্সনা লমদম অসিদা শান্তি পুরক্নবা হোৎনরিবা অসীগী শরূক অমা ওইনা কাংপোকপি দিষ্ট্রিক্টকী মোকোকচূং ব্রিজ অমসুং তুশাম ভিল্লেজ অনীগী মরক্তা লৈরিবা উমংগী এরিয়াদা ওপরেসন চত্থখ্রে। মদুদা নোংমৈ ৩১, য়াম্লবা নোংমৈ মরূশিং অমসুং এক্সপ্লোসিব কয়ামরুম ফাগৎপা ঙমখ্রে।
You may also like
-
দেসামগী থৌমীশিংনা ইম্ফাল এয়রপোর্টতগী য়াম্লবা ফোরেন লিকর য়াওবা লগ্গেজ ৬০ ফাগৎখ্রে
-
বোম লংশিল্লম্বগী মায়োক্তা মীয়াম্না অকনবা প্রোটেষ্ট চত্থখ্রে
-
ৱাহোং রেদিওগী মপোক-কুম্মোন থৌরম পাঙথোকখ্রে
-
এন আর সি থবক্তা ওন্থোক্তুনা মীতোপ খন্দোক্ট্রিঙৈদা সেন্সস তৌবা য়ারোই: জে এফ দি
-
কম্মনৱেল্থ গেম্সতা গোল্ড লৌরকখ্রবা মনিপুরগী ৱেথলিফ্টর মিরাবাই চনূদা লূপা লাখ ৩০ খূৎশীন্নখ্রে