নোনে দিষ্ট্রিক্টকী হাওচোং তাবা লম্বী অসী অথূবা মতমদা লৈঙাক্না শেমজীনবিয়ু: খুঞ্জাশিং

মনিপুরগী পুৱারিগা তৎন-থানবা য়াদ্রবা, মরূওইবা পুৱারিগী তাঙ্কক কয়াগা শাগোন্নদুনা লৈরক্লবা, নোনে দিষ্ট্রিক্টকি মনূঙ চন্না লৈবা হাওচোঙ কৌবা, ইনপুই কাঙলূপকি য়ূমথোঙ ২০০ রোম্না খুন্দারিবা চীঙগী খুঙ্গং অসী নোনে দিষ্ট্রিক্ট তগী শুপ্নগী কিলোমিটর ১৪ খক খা মায়কৈরোমদা চৎলগা লৈরিবা মফম্নি।

নোনে দিষ্ট্রিক্ট হেদক্বার্তর্স দগী অতৈ চীঙগী খুঙ্গং কয়াদা য়ৌখিনবগী অমত্তা ঙায়রবা হাওচোং তাবা লম্বী অসী মমাঙথক্তগী ঙসী ফাওবা লৈঙাক্কি মায়কৈদগী  অমুক্তা শেমজীনবিবা, রিপ্যারিং তৌবা নত্রগা কোইলাসনচিংবা থাবসু অমত্তা চত্থখিবা লৈত্রি। মতম মতমগী ওইনা খুঞ্জাশিংনা শেল খরা-খরা খায়নরগা শেমদুনা লাক্লিবনি হায়রি। লম্বী অসী শেমজীনবিদুনা কয়লাস থাবিরবদি ইম্ফাল তম্পাক য়ৌবদা শুপ্নগী মিনিট ১০ দগী হেন্দবা মতমদা য়ৌবা ঙমগদবনি অদূবু লম্বী অসীগী হৌজিক লৈরিবা ফীভম অসী কা হেন্না ফত্তবা মরম্না তম্পাক্লম য়ৌবদা পূঙ ১:৩০ দগী পূং ২ ফাওবগী মতম লৌরি হায়না হাওচোং খুল অসীগী চ্যেরমেন নম্পি খুম্বা না পেন্দবা ৱাফম ফোঙদোরক্লি।

হাওচোং হায়রিবা খুল অসিদা,  অদূঙৈ মহারাজ চন্দ্রকির্তিনা অঙাঙ ওইরিঙৈ মতমদা, লৈমরেম্বী কুমুদিনিনা মতম কয়া চন্দ্রকির্তিবু লোত্তুনা থমখিবগী মূৎনায়দ্রবা পুৱারিগী তাঙ্কক লোয়নদুনা লৈরিবা খুঙ্গং অসী লৈঙাক্না অথুবদা মীৎয়েং চঙবীদুনা শেমজীনবিয়ু হায়রক্লি। নোংজুথা মতমদসু য়াম্না তোয়না চীঙ অমদি লম্বী নীঙখায়বগী থৌদোকশিং থোক্লিবা অসীগী মতাঙদসু লৈঙাক্না য়েংশিনবিনবা নম্পি খুম্বা না লৈঙাক্কি পূক্নিং চিংশিল্লক্লি।