ইম্ফাল ইষ্ট দিষ্ট্রিক্টকি ইরীলবূং পুলিস স্তেসন মনূঙচন্না লৈরিবা কৈরাউ ৱাঙ্খেম মমাঙ লৈকায়দগী ঙাংখম থম্বৌ কৌবা মীওই অমা হাৎখিবা অমসুং মহাক্কি লোয়নবিবু শোকহল্লম্বা থৌদোক্তা চেন্নরিবা মীওইশিং ফাগত্তুনা আইনগী ওইবা চৈরাক পীননবা হৌখিবা জুলাই ২২ ফাওবগী দেদলাইন পীদুনা মতম থাখ্রবসু মনিপুর লৈঙাক অমসুং ইরিলবুং পুলিস ষ্টেসন না ঙসীফাওবা থবক অমত্তা পায়খৎপা ঙমদবগী মায়োক্তা পেন্দবা ফোঙদোক্তুনা মায়কৈ অসোমগী মীয়াম্না ইম্ফাল -য়াইরিপোক লম্বী থিংবা হৌখ্রে।
মীহাৎ অসিগী মতাংদা শেমখিবা জোইন্ট এক্সন কম্মিটি (জে এ সি) না মীয়ামগা খূৎশম্নদুনা কৌখিবা পূং ৭২ গী বন্দ অসী হৌখিবা অহীঙ নোংয়াইদগী হৌখি। বন্দ অসীনা মরম ওইদুনা মায়কৈ অসোমদা মীয়ামগী মহৌশাগী পুন্সিদা চাউনা অকায়বা পীরে। লম্বীদা গারি মচা অমদি গারি অচৌবা অমত্তা চেন্দ্রে, খুন্তাক-লান্সিরবা ফীভমদা লৈখ্রে।
লৈঙাক অমদি ইরিলবুং পুলিসনা মরাল লৈবশিং ফাগত্তুনা আইনগী অকনবা চৈরাক পীদ্রবদি জে এ সি অনীনা হেন্না অকনবা খোঙজং কয়া মীয়ামগা লোয়ননা চঙশীল্লগনি হায়রক্লি।
পূং ৭২ গী অথীংবা অসীনা ইম্মর্জেন্সি সার্বিস, ঈ-পাউগা মরী লৈনবা মীওইশিং, অনা-লায়েঙ, ফায়র সার্বিস, মৈ-ঈশীং,লাইনিং-লাইশোনগা মরী লৈনবা সার্বিসশিংদি কোন্সিল্লোই হায়রি।
You may also like
-
ৱাংজিং তেন্থা কেন্দ্রদা ফ্রী এন্দ ফ্যের ইলেক্সন ওইহন্নবা হোৎনগদবনি: দিয়া
-
এম এল এ থোঙাম বিশ্বজিৎনা এন আর সি শৌগৎপগী খূৎয়েক পীরকখ্রে
-
দিৱার্মিং দেগী অনীশুবা রাউন্দ হৌদোকখ্রে
-
দিজিটেল পেমেন্ট দা অমাঙবা থোক্তনবা এন পি সি আইনা সেফ্টি টিপ পীরক্লি
-
মায় পাক্কে হায়রবদি পূকচেল শেংবা, মীনুংশি খঙবা মথৌ তাই: চিফ মিনিষ্টর