ঈপাক ফীল্ম প্রদক্সন মনিপুর অমসুং জয়দ্বিপ মেমোরিয়েল ফাউন্দেসন ইম্ফালনা পূন্না খূৎশম্নদুনা মথঙ থা ফেব্রুয়ারি গী ১১দা পাঙথোক্কদৌরিবা নেস্নেল য়ূথ কলচরেল ফেষ্টিভেল,২০২৬ কি মনূঙচন্না লান্থোক্কদবা তোঙান তোঙানবা এৱার্দ শিং ফংলগদবা শক্নায়রবা পার্সনেলিটিশিংগী মিং ঙরাং লাউথোকখ্রে।
কলচরেল ফেষ্টিভেল অসিগী চ্যেরমেন ওইরিবা খ্বাইরাকপম বিশ্বামিত্রনা মিংশিং অদূ লাউথোকখিবগা লোয়ননা মনিপুরি সিনেমা অমদি থীয়েটরগী লমদা মতম শাংনা কত্থোকপগা লোয়ননা শরূক য়াদুনা লাক্লিবি শক্নায়রবী আর্টিষ্ট আর কে হেমাবটিদা ঈকায়খুম্নবা উৎতুনা থাংজম বিরচন্দ্র এন্দ থাংজম ওঙবী মায়পাকপি দেবী মেমোরিয়েল লাইফটাইম এচিবমেন্ত এৱার্দ পীরগনি হায়রি। এৱার্দ ফংলগদবা মীওইশিংগী মিং লাউথোকখিবা থৌরম অদুদা কলচরেল ফেষ্টিভেল অসিগী ভাইস চ্যেরমেন দা.য়েংখোম ভৈগ্যচন্দ্র, কনভেনর রাকেশ নাওরেম সু শরুক য়াখি।
ফেষ্টিভেল অসিগী চিফ পেট্রোন ওইরিবী দা.আর কে নয়নসনাসু শরূক য়ারদুনা ৱা ঙাঙখি। লাইফটাইম এচিবমেন্ট এৱার্দ অসীদা শেল ওইনা লূপা লীশীং কুন, সাল অমা, সাইটেসন, মেমেন্তো অমসুং মেদলনচিংবা য়াওরি।মনিপুর, আসাম, ত্রিপুরাদগী নহা ওইরিবা মীওই মাপনগী মিংসু এৱার্দ ফংলগদবশিংগী মনূঙদা য়াওরি।
You may also like
-
ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে
-
লাঙ্গোল গেম ভিল্লেজ লম্বী মতম কক্তনা থিংজিনখ্রে
-
ফেব্রুয়ারি ১০ দগী ইম্ফালদা নন-ষ্টোপ স্পাইসজেট ফ্লাইট সার্বিস লৈরগনি
-
মোন্ট্রা ইলেক্ট্রিক না ইন্দিয়াদা পি এম ই-দ্রাইব সর্টিফাইদ ইলেক্ট্রিক ট্রক পুথোকপদা অহানবা ওইরে
-
মনিপুরদা পোপ্যুলর গভর্নমেন্ট অমা অথূবদা লাক্লগনি: কারাম শ্যাম