হৌজিক নিংথমথা চঙলকপগা লোয়ননা মনিপুর য়াওনা অৱাং নোংপোক্কি লমদমদা লৈরিবা পাৎশিং,অকূৎপা মফমশিংদা অমসুং উমংগী শরুকশিংদা মীরম লান্না অরাপ্পা মালেমগী মফম কয়াদগী পাইরকপা উচেকশিং চাক্তাবা হৌররে।
মসীগা লোয়ননা মনিপুর লৈঙাক্কি সেন্ট্রেল ফোরেষ্ট দিভিজনগী দিভিজনেল ফোরেষ্ট ওফিসার ( দি এফ ও) গী থৌ পুরিবা বিক্রম সুরেস নাধেনা ওর্দর অমা থোক্তুনা লমলক্কি শা -উচেকশিং ফাবা,হাৎপা,য়োনবনচিংবা খূদীংমক অথিংবা থমখ্রে।ৱাইল্ড লাইফ প্রোটেক্সন এক্ট,১৯৭২ গী মখাদা ওর্দর অমা থোক্তুনা লমলক্কি শা -উচেকশিং ফাবা, হাৎপা, য়োনবনচিংবা খূদীংমক অথিংবা থমখিবনি।এক্ট অসীগী সেদ্যুল্ড ১ দগী ৪ ফাওবগী মনূঙচন্না লৈরিবা শা -উচেকশিং ফাবা, হাৎপা, য়োনবনচিংবা অমত্তা য়ারোই।
এক্ট অসীগী সেক্সন ৫০ গী মতূঙ ইন্না ফোরেষ্ট ওফিসার অমনা শা -উচেকশিং ফাবা, হাৎপা, য়োনবনচিংবা তৌবদা চেন্নরম্বা শাদানবশিং ৱারেন্ট য়াওদনা ফাবা য়াই।সেদ্যুল্ড ১ দগী ৪ ফাওবগী মনূঙ চনবা শা -উচেকশিং ফাবা হাৎপা নত্রগা য়োনবগী থবক তৌরম্বা থেংনরবদি ফারগা চহী ৩ দগী ৭ ফাওবা জেলদা থম্বগা লোয়ননা লূপা লীশীং ২৫ ফাইন থীহনবসু য়াই হায়রি।অসীগুম্বা থৌওং চত্থরম্বদগী ফারবা মীওইশিং অদূ বেলদা থাদোকপসু য়াদে হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা