ঙমখৈ পরীংদা লান শোক্নদুনা লৈরিবা আফঘানিষ্টান অমসুং পাকিষ্টান অনীগী মরক্তা হেন্না য়ানরক্তবা অমসুং য়েংথীনবগী শক্তম অমদা,পাকিষ্টানগী মথক্তা হোলি ৱার চত্থরগনি হায়না টালিবানগী সুপ্রিম কম্মান্দর হিবাটুল্লাহ অবখুন্দাদা না মহাক্কি লান্মীশিংদা লাউথোক্তুনা খূদক্তগী থবক লৌখৎনবা খঙহনখ্রে হায়রি।
পাকিষ্টানগী মফম পূম্নমক খূদূম চন্সিন্ননবা অকনবা ৱাফম লুচিংবা অসীনা খঙহনখ্রে হায়না টেহরিক -ই-টালিবান পাকিষ্টান (টি টি পি) গী লিদর নুর ৱালি নেহসুদনা ফোঙদোরকখি।হন্দক পাকিষ্টান অমসুং আফঘানিষ্টান তাইনরিবা ঙমখৈ পরীংদা অকনবা মওংদা খূৎ থোক্নদুনা লান্থেংনখিবা থৌদোক্তা পাকিষ্টানগী লান্মী ৫ শিখ্রবা মতূঙদা অবখুন্দাদা না লাল চত্থনবগী ৱাফম অদূ লাউথোরকখিবনি।
চহী লীশাঙ শীৎনা পাকিষ্টান না শেমগত্তুনা অমসুং য়োকখত্তুনা লাকখ্রবা টালিবান মিলিটেন্টশিংনা ঙসীদি মশামক্কি মপূদা ওন্সীন্দুনা চীকপগী থৌওং অমা চত্থরক্লি।আফঘান টালিবান ফায়টরশিংনা ঙমখৈ ৱাংমদগী ঙাইহাক লৈতনা পাকিষ্টান্দা ওন্সীন্দুনা লান্দারি। চৈরকশিদা টিটিপিগী মিলিটেন্টশিংনা পাকিষ্টান মনূংদা ওপরেট তৌদুনা,জেনরেল মুনিরগী লান্মী কয়ামরুম মথঙ -মথঙ হাৎপা হৌরক্লে হায়রি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি