ঐখোয়না নুংতি নুমীৎ খূদীঙগী অয়ূক নত্রগা নুমিদাংৱাইরমদা চাং নাইনা চৎলবদি হকচাং ফগৎহল্লি,নাদ -য়েক্তনা লৈহল্লি হায়বসি ঐখোয় মীওইবনা ঈখঙ খঙনরবা ৱাফম অমনি।অনৌবা ৱাফম অমখক মতাঙসিদা পনবা য়াবদি,নুংতিগী ঐখোয়না খোঙকাপ লিশীং তরেৎ চাং নাইনা চৎলবদি হকচাংদা অসূক্কি মতীক কান্নবা পী হায়বসিনি।
অসূম্না তৌরবদি থম্মোয়গী লায়না মখলশিং,দিমেন্সিয়া,দাইবেটিস পূক্নীঙ -ৱাখলগী লায়না কয়াদগী ঙাকথোকপা ঙম্বগা লোয়ননা মতম চাদনা অশীবগী খয়াত্তা তাগদবদগী ঈরায় লায়না কনবসু ঙম্মি হায়না দি লাঞ্চেত পব্লিক হেল্থ কি রিপোর্ট অমদা ফোঙদোরক্লি।থৌওং অসীনা মীওইবগী পুন্সি মহীঙগা মরী লৈনবা লায়না -লাইওং কয়াদগী ঙাকথোকপা ঙম্মী অদুগা ইম্যুন সিষ্টেম ফগৎহন্দুনা লায়না কয়াদগী ঙাকথোকপা ঙমহল্লি,পুন্সি শাংদোকহল্লি হায়না ষ্টদি রিপোর্ট অসীনা খঙহল্লক্লি।
খোঙকাপ লিশীং তরেৎ চাং নাইনা নুংতিগী চৎপগী হৈনবি অসী ঐখোয়না শুকশোয় শোয়দনা ঙাক্তুনা থমগদবনি।মসীনা নোয়খৎপা অমদি হকচাংগী অরূম্বসু হন্থহল্লি।শরূ,থম্মোয়,শদোঙনচিংবগী মপাঙ্গলশিং অঙকপা ফংনা কল্লি।মসীগীসু মথক্তা নীংশীংবা ঙম্বগী শক্তি হেঙ্গৎহল্লি লোয়ননা তূমথবা য়াদবগী থৌওং মাঙহনখিদুনা মপূঙফানা তূম্বা য়াহল্লি হায়রি।মালেমগী তোঙান তোঙানবা মফমশিংদা ষ্টদি ৫৭ লৌখত্তুনা য়াম্না কূপ্না নৈনরবা অমসুং মপূঙফানা চাংয়েং তৌরবা মতূঙদা ষ্টদি রিপোর্ট অসী ফোঙদোরকপনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে