সেব চেঞ্জ মনিপুরগী মখা চত্থরকপা শরুক অমা ওইনা লাক্লিবা নবেম্বর থাগী ৮ দগী হৌরগা পেন দাউন ষ্ট্রাইক চত্থরগনি হায়না সি পি আই লুচিংবা অমসুং ওল ইন্দিয়া ট্রেদ য়ুনিয়ন কাউন্সিল ( এ আই টি য়ু সি) মনিপুর ষ্টেট কম্মিটিগী জেনরেল সেক্রেটরি লাইশ্রম সোটিনকুমারনা ফোঙদোকখ্রে।
ইম্ফালগী বি টি রোদ মনাক্তা লৈরিবা ইরাবোত ভবন কমপ্লেক্সতা পাঙথোকপা পাউগী মীফম অমদা মহাক্না ঙরাং ৱাফম অসী ফোঙদোকখিবনি। হৌখিবা ফেব্রুয়ারি ১৩ দগী মনিপুরদা পি আর লৈঙাক অমা লাকখ্রবসু লমদমসিগী লো এন্দ ওর্দরগী ফীভমদি থোইনা অহোংবা পুরকপা ঙমদনা লৈরি। নেস্নেল হায়ৱেগী কাংপোকপী,মোরে এরিয়া ফাওদুনা মীয়াম চৎপা ঙম্নদ্রি। নেস্নেল হায়ৱে মপূঙফানা হাংদোক্তুনা লমদম অসীগী মীয়াম মনীংতম্না চৎপা য়াহন্দ্রিবসি পি আর লৈঙাক্না খূদক্তা অকনবা থৌশিল -থৌরাং লৌখত্তুনা য়াহনগদবনি।
মনিপুরদা মহৌশাগী ঈঙ -তপ্পা,শান্তিগী শক্তম হঞ্জিলহল্লু,য়ানদ্রিবা কাঙলূপ অনীগী মরক্তা পোলিটিকেল দাইলোগ চত্থরগা য়ানরবা ৱারোয়শিন অমা পুরক্নবা অথূবা মতমদা থবক পায়খৎলু লোয়ননা ঈরাঙ মায়োক্নরবা ষ্টেট অসীগীদমক অখন্ননা লূপা ক্রোর লিশীং তরাদগী তাদবা ফাইনান্সিয়েল পেকেজ অমা পীগদবনি হায়না সোটিনকুমারনা অকনবা ৱাফম থম্লদুনা দিমান্দ তৌখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে