লমদম অসীগী মীয়ামগী মীহূৎ ওইরিবা এম এল এ শিংগী য়ূমদা থোমজীন্দুনা মীয়াম্না এত্তেক্ট চত্থখিবা থৌদোক অদূ রাজনিটিগী থৌইন্সিন্নি হায়বদূ ঙসীদি য়াম্না ময়েক শেংনা খঙবা ঙম্লে, সিম্পেথী শাগত্তুনা, মীয়ামদা ওইদা-পাদবা ময়াম হায়জীন্দুনা, কপশীন- লাউশিন্নদুনা কংগ্রেস না রিলিফ কেম্প শিংদা কোয়চৎ চৎলগা শেমজীন-শাজিনবা ৱাশকশিং শক্তুনা ভোৎ খোম্লগা মায় পাকখিবনি হায়না মনিপুরগী হান্নগী চিফ মিনিষ্টর নোংথোম্বম বিরেন্না ফোঙদোকখ্রে।
প্রাইম মিনিষ্টর নরেন্দ্র মোদিগী মন কি বাদ থৌরমগা মরী লৈননা কোন্থৌজমদা পাঙথোকপা থৌরম অমদা ৱা ঙাঙবদা বিরেন্না ৱাফম অসী ফোঙদোকখিবনি। মহাক্না মখাতানা হায়, ভোৎ মায় পাকখ্রবা মীওই অসিনা মীয়ামদা ভোৎ পীবীয়ু হায়দুনা ভোৎকি ভিখ্যা নিবা মতমদুদা মহাক্না চিফ মিনিষ্টর ওইরম্বা তারবদি খোঙ থীন্দুনা সেন্টরগী লুচিংবশিংদা অকনবা ৱাহৈগা লোয়ননা খূদক্তা ঈরাঙ অসী লোইশিল্লমগনি হায়খি। মহাক্না লোক সভাগী মীখলদা মায় পাকপা তারবদি আই দি পিশিং খূদক্তা মশা-মশাগী ময়ূমশিংদা হঞ্জিলহনগনি হায়খিবনি। ঙশীদি ভোৎ লোইখিবা চহী অমা হেল্লক্লে অদুবু মহাক্না মীয়ামদা থমখিবা ৱাফম অদুদি ঙসী পাঙথোকপা করিগী ঙমদ্রিবনো হায়না বিরেন্না দা. বিমোল অকোয়জমগী মফমদা নাকোয়ননা হংখি।
এম এল এ রঞ্জন, কেবী, গোবিন্দাস অমসুং বিরেন মশামক্কি য়ূমদা মীয়াম্না থোমজীল্লক্তুনা অমাঙ- অতা কয়ামরুম থোকহনখিবদু রাজনিতিগী থৌইন্সিন্নি হায়বদু ময়েক শেংলে। কংগ্রেস পার্টিনা লৈবাক অসীগী অপূনবা শক্তম থুগাইনবা হোৎনরিবনি হায়বসি মীয়াম্না খঙজীনবিয়ু হায়খি। মমাঙগী লোক সভা মীখলদা বি জে পিনা ফংখিবা ভোৎ মশীঙ ২,৬৩,০০০ নি অদুগা হন্দক পাঙথোকখিবা মীখল অদুদা ফংখিবনা ভোৎ মশীঙ ২,৬৪,০০০ নি। মরম অদূনা বি জে পিগী ওইনা ভোৎ মশীঙ হন্থরকপগী ৱাফম অমত্তা লৈতে, হেঙ্গৎলকপনি হায়খি।