খূন্দ্রাকপম কেন্দ্র তেঙবাং লূপ্না শীন্দুনা শওম্বুং অমদি শজিৱা রিলিফ কেম্পশিংদা চঙজফম লৌদুনা লৈরিবা, কাঙলূপকি ঈরাং অসীনা মরম ওইদুনা ময়ূম- মকৈ লৈহন্দ্রবা ঈমূঙশিংগী নীঙোলশিং চাক্কৌদুনা ঙমজবা খূদোল তম্বগী থৌরম পাঙথোকখ্রে। তেঙবাং লূপ অসীনা থা খূদীঙগী ওইনা ঈরাং অসীদা থৱায় কৎখ্রবা, খূন্দ্রাকপম কেন্দ্র মনূঙদা লৈরম্বা অথৌবা ১০ গী ঈমূঙগী মীওইশিংদা পীদুনা লাক্লিবা পেন্সনগী শেনফমসু মঙারকশুবা ওইনা য়েন্থোকখি।
থৌরমদুদা শরুক য়াখিবা য়ু এন এল এফ কি হান্নগী চ্যেরমেন আর কে মেঘেন্না হায়, কুকিশিংনা মনিপুর মচেৎ তানা থুগাইননবা চৎথরক্লিবা লান অসী লীশাঙ শীৎনা অদুম্মক চৎথরগদবা থৌওং অমনি। মখোয়গী মরুমদা কনা কনানা লেপ্লিবগে হায়বসি মীয়াম্না ঈখঙ- খঙনরবনি। ঈরাং অসী লোইশিন্ননবা হোৎনগে হায়রবদি লমদমসিদা লৈরিবা ফূরূপ খূদীঙমক্না পূকচেল খোয়জেল তিন্ননা হোৎনমিন্নবগী মথৌ তাই। অসীগুম্বা মনিপুরগী চিরবা মতমসিদা ইন্দিজিনসকি ৱাফম পুশিল্লক্তুনা মীওই খরনা কাঙলূপ মশেল মরক্তা য়েংথীনবা য়াবা থৌশিল চত্থরক্লিবসি য়াম্না লাইবক থীবনি হায়খি।
অসীগুম্বা সেক্টরিয়ান ওইবা ৱাফম পুথোরক্লিবা মীওইশিং ৱাখল মুন্না খন্থবিয়ু হায়না মহাক্না ফোঙদোকখি। থৌরমদুদা ইচমগী হান্নগী প্রসিদেন্ট নোংথোম্বম রাজেন্দ্রো, মনিপুর লৈঙাক্কি কম্মর্স এন্দ ইন্দষ্ট্রিজ দিপার্টমেন্ট কি জিওলোজি এন্দ মাইনিংগী ইন-চার্জ থোঙাম ফুলচান্দসু শরুক য়াদুনা ৱাফম কয়া ফোঙদোকখি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে