চৎলিবা থা অসীগী ২৫ গী নুমিৎয়ুংবা পূঙ ১২ তাবদা তেংনৌপল দিষ্ট্রিক্টকি মনূঙদা লৈবা মোরে টাউন্দা লৈরিবা মোরে মুস্লিম খুলদা ঈখঙ-খঙহৌদনা মৈ চাক্লকখিবদা য়ূম কয়া তুম্না চাক্লক্তুনা ঊৎ ওনখ্রে।য়ূমশিং অদূ অয়াম্বনা য়াম্না নকশীন্ননা লৈবা অমসুং উনা শাবা ওইবনা য়াম্না থুনা মথঙ-মথঙ শন্দোরক্তুনা য়ূম অয়াম্বা তুম্না চাক্লকখিবনি।
মনিপুরদা হৌজিক লৈরিবা হীঙশাগী ঈরাং অসীনা মরম ওইদুনা খূৎশু-খূৎলায় পুশিল্লগা মৈ কন্ননবা ঈরায় লায়না চঙশীন্দুনা মৈ কন্ননবা হোৎনরুবগী খুদোংচাবসু লৈতবনা কা হেন্না ফীভম শোকখি। মোরে ফয়ার ষ্টেসন্দা মথৌ তৌদুনা লৈরম্বা মৈতৈ ফূরূপকি ষ্টাফশিংসু ঈরাং অসীনা মরম ওইদুনা ইম্ফাল লোমদা লাঞ্জেন্নখিবদগী মথৌ তৌখিদবা চহী অনীমখায় হেনখ্রবনি।ম্যান্মার ফয়ার সার্বিসকি পার্সনেলশিং চঙশীল্লক্তুনা মৈ কনবগী থবক্তা মতেং পাংখি, অদূম ওইনমক মতমদু খরা হেন্না থেঙখিবদগী থোইনা কান্নবা ফংখিদে। লৈকায় মীয়াম্না হোৎনরবসু মৈ কনবদি ঙমখিদ্রে।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি