হৌখিবা চয়োল মরি হেন্না পাকিস্তান দা কা হেন্না ঈশীং-নুংশিৎকি অহোংবা লাকপগী চৈথেঙগা মরী লৈননা অকনবা নোং অহীঙ-নুংথিল লেপ্তনা হৈথরকপদগী লৈবাক অদূগী তোঙান- তোঙানবা প্রোভিন্সশিংদা চেল্লিবা মরুওইবা তুরেলশিংগী ঈমায় পাথোরকপদগী য়ামদ্রবদা হৌজিক ফাওবদা মীওই ১২৮ গী মথক্তা শিখ্রে। ঈচাওনা মরম ওইরগা শিরিবশিং অদুগী মনূঙদা তঙ্খাই অমদি অঙাঙশিংনি হায়রি। নেস্নেল দিজাষ্টর মেনেজমেন্ট অথোরিটি, পাকিষ্টান্না পীরকখিবা রিপোর্ট মতূঙ ইন্না, হৌখিবা জূন থাগী অথেঙবা শরুক্তগী ঙসী ফাওবদা হৈথরকখিবা অরেপ্পা লৈতবা অকনবা নোংজু অসী পাকিষ্টান্দা হন্দক চহীগী কুমগী নোংজু য়ৌরকপদা মায়োক্নবনি।
হৌজিক ফাওবদা য়ামদ্রবদা অঙাঙ ৬৬ হেন্না ঈশীংনা হাৎখ্রে। শিখিবশিং অদুগী মনূঙদা অয়াম্বদি য়ূম কীন্থবা, ঈশীংনা চেন্থবদগী ঈরাক্নদুনা শিবশিংনি হায়রি।মীওই মিল্লিয়ন ২৫০ হেন্না লৈরিবা লৈবাক অসী মালেমগী ওইনা ক্লাইমেট চেঞ্জগী চৈথেঙ খ্বায়দগী শাথীনা মায়োক্নরিবা লৈবাকশিংগী মনূঙদা অমা ওইরি। হৌখিবা কুমশিং ২০২২ দসু লৈবাক অসীদা পাক-সন্না ঈচাও থোকখিবদগী মীওই ১,৭০০ শিহনখিবগা লোয়ননা লৈবাক অসীগী তোঙান- তোঙানবা মফমশিংদা মীওই মিল্লিয়ন ৩০ হেন্না ময়ূম-মকৈ লৈহনখিদবদগী শাফগদবা মফমশিংদা হোংদোকহনবগী থৌদোক লৈখ্রবনি।
হন্দক্কি ঈচাও অসীদা ঈমূঙ অমগী মেম্বর ৯ ঈশীঙনা পুল্লপ চেন্থবদগী শিখিবা, নুঙাইতবা থৌদোক অমসু ঈরোয়নরিবনি। পঞ্জাব প্রোভিন্স, খাইবর পাখতুনখ্বা হায়রিবা প্রোভিন্স অনী অসীদা মীওই মশীঙ য়াম্না শিখিবদগী হেন্না অৱা-অনা মায়োক্নরি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর