ঈদিনা বিরলা এম্পোরিয়ম অমসুং মসিগী দাইরেক্তর মথক্তা সপ্লিমেন্তরি চার্জ সিট ফাইল তৌখে

ইনভেষ্টর লিশিং ৫ হেনবদগী নমথাক তৌরগা য়ান্নবা শেনফম খোমগৎখিবগা মরী লৈননা ইম্ফালদা বেজ তৌবা বিরলা এম্পোরিয়ম অমসুং মসিগী দাইরেক্তর যুম্নাম ইরাবন্তা য়াওনা মীওই খরগী মথক্তা এনফোর্সমেন্ট দাইরেক্তোরেট (ঈদি) না সপ্লিমেন্তরি চার্জ সিট ফাইল তৌখে। ফাইনান্স কম্পেনি অসিনা ইনভেষ্টরশিংদগী য়াম্নবা শেনফমশিং খোমগৎখিবা অদুগা মরী লৈননা মণিপুরগী সিআইদি (ক্রাইম ব্রাঞ্চ) না কম্পেনি অসি য়াওনা মসিগী দাইরেক্তর যুম্নাম ইরাবতন্তাগী মথক্তা কেস কয়া অমা ফাইল তৌরকপদগী এনফোর্সমেন্ট দাইরেক্তোরেট অসিনা ইনভেষ্টিগেসন চথবা হৌরকখিবনি।

এনফোর্সমেন্ট দাইরেক্তোরেটনা চথখিবা ইনভেষ্টিগেসন অসিগী মতুংইন্না বিরলা এম্পোরিয়মনা হৌখিবা চহী ২০১৯-২১ ফাওবগী মরত্তা মীয়ামদা অচৌবা শেনফমশিং ফংহনগনি হায়দুনা নমথাক্কী ওইবা স্কিমক কয়া হৌদোড়ুনা ইনভেষ্টরশিংদগী য়াম্নবা শেনফমশিং অদু খোমগৎখিবনি। কম্পেনি অসিনা খোমগৎখিবা শেনফম অসি লুপা ক্রোর ২৫০ গী মথক্তনি। বিরলা এম্পোরিয়ম অমসুং ইরা ফাইনান্সনা অনওথোরাইজ ইনভেষ্টমেন্ট স্কিম কয়া ওপরেট তৌবগী মথত্তা প্রোেপর্টিশিং দিল তৌনদুনা লোন কয়া পীখি। অদুমকপু কম্পেনি অসিদগী শেল পুরিবশিংনা থমখিবা প্রোপর্টিশিং অদু নিয়ম লান্না শেল দিদকী খুত্থাংদা কম্পেনিগী ষ্টাফ অমসুং

দাইরেক্তরগী মনুংদা ত্রান্সফার অমসুং রেজিস্তার তৌখি। অদুমকপু হায়রিবা স্কিমশিং অসি ইং ২০২০ গী হৌগৎলকপদা কোল্লান্স তৌবগা লোয়ননা কম্পেনি অসি থোং লোনশিনখি অমসুং ইনভেষ্টরশিংগী পীফম থোকপা শেনফম অমত্তা পীখিদে। মসিনা মরম ওইরগা ঈদিনা চখরকপা ইনভেষ্টিগেসন অসিগী মনুং চন্না কম্পেনি অমসুং মসিগী দাইরেক্তরগী মমিংদা লৈবা চাওরারুগা লুপা ক্রোর ২৮.০২ গী মুভেবল অমসুং ইম্মোভেবল প্রোপর্টিশিং ঈদিদা এটেচ তৌখি। লোয়ননা হৌখিবা জুন ৬ তা হায়রিবা প্রোপটিশিং অসি মৎনবগী প্রোজিক্যুসন কমপ্লেইন্ট অমা স্পিসিয়েল পিএমএনএগী কোর্টতা নৌনা ফাইল তৌখিবনি হায়রি।