হৌখিবা কুমশিং ২০২৩ গী মে অহুমদগী হৌরগা ঙসীফাওবদা কুকি- চিন মিলিটেন্টশিংনা নোংমৈ কাপশীল্লক্তুনা হীঙশাগী ঈরাং মায়োক্নরক্লিবা অসীদা ময়ূম-মকৈ মৈ চাকখিবদগী লাঞ্জেন্নদুনা লৈরক্লিবা ইন্টরনেল্লি দিসপ্লেস পার্সনশিংদা লৈঙাক্কি অমদি তোঙান- তোঙানবা লন্নাই লূপ কয়াগী মায়কৈদগী তেঙবাং পোৎলমশিং পীবগী থবকশিং ঙসী-ঙসীমকসু লেপ্তনা চত্থরক্লিবা অসীগী মনূঙচন্না ওইনামদা লৈরিবা থম্বাল মরীক কল্লেজ কেম্পসতা হাংলিবা রিলিফ কেম্পতা লৈরিবা আই দি পি ১০০ রোম হেনবদা ঙরাং তেঙবাং পোৎলমশিং য়েন্থোকখ্রে।
মনিপুর ফ্লদ রিলিফ প্রোগ্রাম গী মনূঙচন্না লাইওন্স ক্লব ওফ ওইনাম অমসুং লাওন্স ক্লব ইন্টর্নেস্নেল ফাউন্দেসন, ইন্দিয়াগী থৌমীশিংনা তেঙবাং পোৎলমশিং অদূ পীখিবনি। আই দি পি শিংনা নোংমগী তঙায়ফদনা চঙবা চেং, হৱাই, থুম, থাউনচিংবা অমদি অতৈ অচা-অথক্কি পোৎলম কয়াসু রিলিফ কেম্পরশিং অদুদা য়েন্থোকখি।
থৌমীশিং অসীনা মনিপুরগী অতৈ মফমশিংদা হাংলিবা রিলিফ কেম্পশিংদা লৈরিবা আই দি পি শিংদসু কোয়না চত্তুনা রিলিফ মেটরিয়েলশিং মখাতানা য়েন্থোক্ননবা থৌরাং তৌরি হায়রি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর