ভি এল এফ ৮ না ষ্টেট লৈঙাক্কি তোঙান- তোঙানবা দিপার্টমেন্ট ২৪ গা খূৎশম্নদুনা সধারন মীয়ামদা মখল খূদীঙমক্কি খুদোংচাদবা কয়া মফম, অমখক্তদা ফংহন্ননবা পান্দমদা ঙরাং ইম্ফাল নোংচূপ পানাগী মনূঙচন্না লৈরিবা গোবিন্দগ্ৰামদা লৈবা লাই হরাওফমদা কনভর্জেন্স মেলা পাঙথোকখ্রে।
থৌরম অদুদা ৱাঙ্গোই এসেম্বলী কন্সটিট্যুয়েন্সিগী এম এল এ ওইনা লৈরিবা কে ঐচ লোকেন্না হায়, কনভর্জেন্স মেলা অসীগী কান্নবশিং মীয়াম্না লৌবিয়ু। সধারন মীয়াম্না তোঙান- তোঙানবা দিপার্টমেন্টশিংদা মতম চঙনা, শেল তিংনা কোয়চৎ চত্তুনা চে-চাং, দোক্যুমেন্টনচিংবা কয়া তান্থোক্নবা হোৎনবদা অৱাবা কয়া মায়োক্নরিবসি কোকহন্ননবা পান্দমদা মেলা অসী পাঙথোকপনি হায়খি।
তোঙান- তোঙানবা দিপার্টমেন্ট শিংদা ফংলিবা মীয়ামগী খুদোংচাবশিং অদূ মফম অমখক্তদা, মতম অমত্তদা ফংহল্লিবা কনভর্জেন্স মেলা অদূনা লমদম অদোমগী মীয়ামদা চাউনা কান্নবা পীখিবগা লোয়ননা মীয়াম্নসু মতূঙ তারকপদা অসিগুম্বা মেলাশিং মখা তানা পাঙথোকহন্নিংবগী অপাম্বা ফোঙদোক্নখি।